17 մարտի 2007 - 15:37 AMT
Ֆրանսիայի նախագահի թեկնածուն դեմ է Հայոց ցեղասպանության մասին օրինագծին
«Եթե ես նախագահ դառնամ, մտադիր եմ շարունակել ֆրանսիական ազգային քաղաքականությունը: Ես դեմ եմ Հայոց ցեղասպանության մասին օրինագծին»,- հայտարարել է Ֆրանսիայի նախագահի թեկնածու, քրիստոնյա-դեմոկրատական կուսակցության առաջնորդ Ֆրանսուա Բայրուն թուրքական Sahab թերթին: Նրա խոսքերով, «Ցեղասպանության ճանաչման մասին օրենքը չի կարելի դրական համարել»: «Ֆրանսիայի նախագահը կարող է ասել` ես ճանաչում եմ ցեղասպանությունը, ներկայացնելով իր երկիրը: Սակայն դա չպետք է օրենք դառնա: Հազարավոր հայեր ողբերգություն են ապրել անցյալ դարասկզբին: Սակայն դա ոչ թե օրենսդրության, այլ պատմաբանների խնդիրն է»,- նշել է Բայրուն: