ANCA-ն հուսով է՝ Պապի այցը ՀՀ կստիպի ԱՄՆ-ին հրաժարվել Թուրքիայի ժխտողականությանը սատարելուց23 հունիսի 2016 - 10:24 AMT PanARMENIAN.Net - ԱՄՆ Հայ դատի հանձնախմբի (ANCA) գործադիր տնօրեն Արամ Համբարյանը Հռոմի սրբազան քահանայապետ Ֆրանցիսկոսի` Հայաստան կատարելիք այցի նախաշեմին հանդես է եկել վերլուծական անդրադարձով, որում, մասնավորապես, դիտարկել է Հռոմի պապի կողմից Հայոց ցեղասպանության ճանաչման ու թուրքական կողմի ժխտողական դիրքորոշմանն առնչվող հարցերը, հայտնում է Tert.am-ը: «Հռոմի պապի եռօրյա այցի կուլմինացիոն պահը լիելու է Հայոց ցեղասպանության զոհերի հուշահամալիր` Ծիծեռնակաբերդ այցը, որտեղ հնչեցրած նրա աղոթքները լսելի կլինեն ամբողջ աշխարհում: Հռոմի պապի այցելությունը Հայոց ցեղասպանության զոհերի հուշահամալիր, ի հակադրություն Թուրքիայի իշխանությունների ժխտողական քաղաքականության, բարոյական հզոր քայլ կլինի: Փաստացի Ֆրանցիսկոս պապն ամբողջ աշխարհի առաջ ամենասրբազան վայրում բացեիբաց մարտահրավեր կնետի իր գործած սարսափելի հանցանքը պատմության էջերից ջնջելու փորձեր անող Թուրքիային»,-գրել է Արամ Համբարյանը: Նա նաև հույս է հայտնել, որ պոնտիֆիկոսի այցը կստիպի ԱՄՆ-ի իշխանություններին վերջ տալ աջակցություն ցուցաբերել Թուրքիայի ժխտողական քաղաքականությանը: Asbarez-ը հիշեցնում է, որ 2015թ. ապրիլի 12-ին Հռոմի պապը «ցեղասպանություն» է որակել 1915թ. տեղի ունեցած դեպքերն ու Վատիկանում պատարագ մատուցել` ի հիշատակ բոլոր նահատակների: «Նախորդ դարում մարդկությունն անցել է 3 զանգվածային ու աննախադեպ ողբերգությունների միջով: Դրանցից առաջինը` 20-րդ դարի առաջին ցեղասպանությունը, տեղի է ունեցել հայ ժողովրդի` աշխարհում առաջին քրիստոնյա ազգի հետ: Մեր պարտքն է հարգել նրանց հիշատակը, հակառակ դեպքում` մենք թույլ կտանք, որպեսզի չարիքն անընդհատ բացի հին վերքերը: Չարիքը թաքցնելը կամ ժխտելը հավասարազոր է արնահոսող վերքը չվիրակապելուն»,-պատարագից առաջ ասել է Պապը: Հռոմի Ֆրանցիսկոս պապը Հայաստան այցին ընդառաջ ուղերձ է հղել հայությանը, որտեղ ուխտագնացություն է անվանել իր այցը ու խոսել դրա նպատակների մասին: «Աստծո օգնությամբ գալիս եմ ձեզ մոտ իրականացնելու, ինչպես կարգախոսն է ասում, այց առաջին քրիստոնյա երկիր: Ես գալիս եմ որպես ուխտագնաց՝ այս հոբելյանական տարին թաթախվելու ձեր ժողովրդի հնագույն իմաստության մեջ և ըմպելու ձեր ժայռե՝ ինչպես ձեր հայտնի փորագիր խաչքարերն են, հավատքի աղբյուրից», - ասում է Պապն իր ուղերձում: «Ձեր պատմությունը և ձեր սիրելի ժողովրդի հետ կատարված իրադարձությունները առաջացնում են ինձ մեջ հիացմունք և վիշտ: Հիացնումք՝ քանի որ Հիսուսի խաչի և ձեր տաղանդավոր մտքի մեջ եք գտել կրկին ոտքի կագնելու ուժը՝ նույնիսկ ամենասարսափելի տառապանքներից հետո, որ պատմությունը կարող է հիշել: Վիշտ՝ այն ողբերգությունների համար, որոնք ձեր հայրերը կրել են իրենց մաշկի վրա», - նշում է Ֆրանցիսկոսը: Ընթերցեք նաև. Պապի ուղերձը հայերին. Գալիս եմ՝ ձեր հնագույն իմաստության մեջ թաթախվելու (վիդեո) Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին |