// IP Marketing video - START// IP Marketing video - END

ՄԱԿ զեկույց. Թմրամոլների թիվն աշխարհում գերազանցում է 29 միլիոնը

ՄԱԿ զեկույց. Թմրամոլների թիվն աշխարհում գերազանցում է 29 միլիոնը

PanARMENIAN.Net - Երկրի 15-24 տարեկան բնակչության մոտ 5 տոկոսը 2014-ին առնվազն թմրանյութի մեկ տեսակ է օգտագործել: Այդ մասին ասվում է ՄԱԿ թմրանյութերի և հանցավորություն վարչության «Թմրանյութերի մասին համաշխարհային զեկույցում»:

«Թմրանյութերի օգտագործումն ամբողջ աշխարհում չի աճում: Դա լավ նշան է…Սակայն, մենք դեռ մահացության շատ մեծ քանակ ենք արձանագրում թմրանյութերից: Եվ դա անընդունելի է, քանի որ կախվածությունը թմրանյութերից բուժվում է և կարող է կանխվել»,-ասել է ՄԱԿ համապատասպխան վարչության գործադիր տնօրենի տեղակալ Ալդո Լյալե Դեմոզը, ներկայացնելով զեկույցը Ժնևում:

Ըստ ՄԱԿ գնահատականի, թմրանյութեր օգտագործող ավելի քան 29 մլն մարդ տառապում է տարբեր խանգարումներից: Այդ թվում 12 մլն մարդ թմրանյութեր է օգտագործում ներարկումների միջոցով, որից 14%-ը տառապում է ՄԻԱՎ-ով:

Աշխարհի ամենատարածված թմրանյութը շարունակում է մնալ կանաբիսը (կանեփ): 2014-ին, ըստ ՄԱԿ տվյալների, այն օգտագործել է մոտ 183 մլն մարդ: Երկրորդ տեղում ամֆետամիններն են: Ափիոն և ափիոն պարունակող խառնուրդներ է ընդունել 33 մլն մարդ` ափիոնն է ամենամեծ վնասը հասցնում առողջությանը: Կանաբիսը ևս շարունակում է մնալ թմրաբիզնեսի գլխավոր օբյեկտն աշխարհում:

Զեկույցում ասվում է, որ 2014-ին թմրանյութերից մահացել է 207.400 մարդ:

«Թմրանյութերի մասն համաշխարհային զեկույցը» հրապարակվում է ԳՎ հատուկ նստաշրջանում:

 Ուշագրավ
Ծրագրի 88%-ը կիրականացվի Միացյալ Նահանգներում, իսկ 12%-ը` Ադրբեջանում
Երկրի Կենտրոնական ընտրական հանձնաժողովի տվյալներով, կուսակցությունը հավաքել է ձայների 42%-ը
Ընդհանուր առմամբ 19 մարդ է տուժել, որից 4 վիճակը գնահատվում է ծանր