Թուրքիան և Իսրայելը կհայտարարեն հարաբերությունների կարգավորման մասին27 հունիսի 2016 - 11:59 AMT PanARMENIAN.Net - Իսրայելն ու Թուրքիան համաձայնության են հասել երկկողմ հարաբերությունների կարգավորման մասին 6-ամյա սառեցումից հետո: Մանրամասների մասին պաշտոնապես կհայտարարվի հունիսի 27-ին, հայտնում է Deutsche Welle-ն: Կարգավորվել է իսրայելյան հատուկջոկատայինների կողմից Mavi Marmara նավի գրոհի արդյունքում զոհված թուրք ակտիվիստների ընտանիքներին ֆինանսական փոխհատուցման հարցը: Փոխհատուցման ընդհանուր գումարը կկազմի մոտ $20 մլն: Ավելի վաղ Թուրքիան հարաբերությունների կարգավորման 3 պայման էր առաջ քաշել` ներողություն հայտնելն Իսրայելի կողմից, փոխհատուցման վճարումը զոհվածների ընտանիքներին և տուժածներին, ինչպես նաև Գազայի ապաշրջափակումը: Դրանից հետո Իսրայելի դեմ բոլոր դատական հայցերը կկորցնեն ուժը: Բացի այդ, պետությունները կրկին դիվանագիտական առաքելություններ կփոխանակեն: Մանրամասները կհրապարակվեն Հռոմում, որտեղ այցով գտնվում է Իսրայելի վարչապետ Բինյամին Նեթանյահուն: Ավելի վաղ Իսրայելի ԶԼՄ-ները հայտնել էին, որ համաձայնության արդյունքում Թուրքիան կարող է հրաժարվել Գազայի անհապաղ ապաշրջափակման պահանջից` փոխարենը հնարավորություն ստանալով հումանիտար բեռներ առաքել Իսրայելի Աշդոդ քաղաքի նավահանգստով: Երկրները նախկինում համարվել են ռազմավարական գործընկերներ, սակայն հեռացան, երբ Թուրքիայի արտաքին քաղաքականությունը եվրոպական ինտեգրումից շեղվեց դեպի արաբամահմեդական աշխարհ: Փոխադարձ սառեցման գագաթնակետը «Ազատության տորմիղի» հետ կապված միջադեպն էր, երբ 2010-ին իսրայելցիները կասեցրին Գազայի հատված ուղևորվող թուրքական նավերի առաջխաղացումը` սպանվեց 9 թուրք: 2015-ի վերջում ԶԼՄ-ները հայտնեցին, որ երկրները հարաբերությունների կարգավորման նախագիծ են պատրաստել, որը ներառում է դեսպանների վերադարձը և իսրայելյան բնական գազի առաքումը նախատեսող կետեր` բավարարելու համար ներքին պահանջարկն ու տարանցումը եվրոպական շուկա: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը Տոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցեր |