ԱՄՆ-ում խստացրել են զենք կրելու արգելքը

PanARMENIAN.Net - ԱՄՆ Գերագույն դատարանն ընդլայնել է հրազենի կիրառմամբ տնային բռնության դեպքերի համար պատիժը` այժմ դա կարող է հանգեցնել զենք կրելու թույլտվությունից զրկվելուն:

Դատարնի որոշումը կայացվել է ԱՄՆ-ում հրազենի կիրառմամբ հանցագործությունների քանակի նվազեցման անհրաժեշտության մասին կատաղի վեճերի ֆոնին:

Դատարանի անդամներն ի գիտություն չեն ընդունել փաստարկները, որ զենք կրելու արգելքը կարղ է կիրառվել միայն այն անձանց հանդեպ, որոնք միտումնավոր են հանցագործություն կատարել:

Դատարանում նաև քննարկվել է ԱՄՆ-ում մոտ 20 տարի առաջ ընդունված օրենքը, որով չի թույլատրվում զենք կրել այն անձանց, որոնք աննշան հանցագործություններ են կատարել, որոնք որակվել են որպես ընտանեկան բռնություն: Դատավոր Ելենա Կագանը ասել է, որ օրենքը պետք է «փակի վտանգավոր սողանքները», հայտնում է ՌԻԱ Նովոստին Reuters-ի վրա հղումով:

Զենք կրելու իրավունքը բուռն քննարկումների առարկա է ԱՄՆ-ում այն բանից հետո, երբ հունիսի լույսի 12-ի գիշերը Օռլանդոյի միասեռականների ակումբում հրաձգության հետևանքով 42 մարդ զոհվեց, և 53-ը վիրավորվեց: Հարձակվողը Ֆլորիդայի բնակիչ Օմար Մաթինն էր, որին ոստիկանությունը գնդակահարել էր պատահարի վայրում:

Ընթերցեք նաև. ԱՄՆ Կոնգրեսում դեմոկրատները նստացույց են արել. Պահանջել են խստացնել զենքի վաճառքը