// IP Marketing video - START// IP Marketing video - END
11  29.06.16 - ՀՀ ԱԳ նախարար Էդվարդ Նալբանդյանի և ԵԱՀԿ գործող նախագահ, Գերմանիայի ԱԳ նախարար Ֆրանկ-Վալտեր Շտայնմայերի համատեղ մամուլի ասուլիս

ԱԳՆ. ԼՂ ինքնավարության հարցը երբեք չի քննարկվի՝ Նախիջևանի օրինակը տեսնում ենք

ԱԳՆ. ԼՂ ինքնավարության հարցը երբեք չի քննարկվի՝ Նախիջևանի օրինակը տեսնում ենք

PanARMENIAN.Net - Մինսկի խմբի եռանախագահող երկրների նախագահները բազմիցս նշել են, որ Լեռնային Ղարաբաղի վերջնական կարգավիճակը պետք է որոշի Լեռնային Ղարաբաղի ժողովուրդը՝ ազատ կամարտահայտության միջոցով, որը պետք է ունենա միջազգային իրավական ուժ:

Այդ մասին է հայտարարել ՀՀ ԱԳ նախարար Էդվարդ Նալբանդյանը Գերմանիայի արտաքին գործերի նախարար, ԵԱՀԿ գործող նախագահ Ֆրանկ-Վալտեր Շտանմայերի հետ ասուլիսի ժամանակ, մեկնաբանելով Ադրբեջանի նախագահ Ալիևի խոսքերն այն մասին, թե Սանկտ-Պետերբուրգում եռակողմ հանդիպման ժամանակ Արցախի ինքնավարության հարցն էլ է քննարկվել:

«Բանակցությունների ժամանակ մենք երբևէ չենք քննարկել և չենք էլ քննարկի Ադրբեջանի կազմում Լեռնային Ղարաբաղի ինքնավարության հարցը,- ասել է նա, գրում է Panorama.am-ը:

«Այսօր Նախիջևանն օրինակ է բերվում Ադրբեջանի ղեկավարի կողմից որպես հեռնակար Լեռնային Ղարաբաղի համար: Եվ սա այն վառ ապացույցներից է, թե ինչու սա չէր կարող քննարկվել բանակցությունների ժամանակ», - ընդգծել է նա, հիշեցնելով, որ ժամանակին հայաշատ Նախիջևանն այսօր ամբողջությամբ հայաթափված է, դարերի պատմություն ունեցող մշակութային ժառանգությունը ոչնաչված է:

Ավելի վաղ Էդվարդ Նալբանդյանը հայտարարել էր, որ Սանկտ Պետերբուրգի գագաթաժողովում ԼՂՀ հիմնահարցի հանգուցալուծմանը վերաբերող որևէ պայմանավորվածություն ձեռք չի բերվել` մեկնաբանելով Ադրբեջանի նախագահի աշխատակազմի ղեկավարի տեղակալ, արտաքին կապերի բաժնի պետ Նովրուզ Մամեդովը հայտարարությունը հարցի շուրջ:

Մամեդովն ասել էր, որ եռակողմ հանդիպման ժամանակ Ղարաբաղյան հակամարտության փուլային կարգավորման շուրջ է համաձայնություն ձեռք բերվել: «Նախ ազատում են 5 շրջանը, ապա՝ ևս 2 շրջանը, և հստակեցվում է միջանցքը: Ապա հստակեցվում է Լեռնային Ղարաբաղի կարգավիճակը: Կողմերը համաձայնության են հասել այդ ուղղությամբ»,- ասել է նա:

Նրա խոսքով, այս փուլում Ադրբեջանը պետք է անվերապահորեն կատարի Վիեննայի և Սանկտ-Պետերբուրգի գագաժողողովներին ձեռք բերված և վերահաստատված պայմանավորվածությունները՝ նախևառաջ բացառապես խաղաղ ճանապարհով հիմնախնդրի կարգավորում, 1994-1995թթ. զինադադարի եռակողմ անժամկետ համաձայնագրերի հարգում, միջադեպերի հետաքննության մեխանիզմի ստեղծում, ինչպես նաև ԵԱՀԿ գործող նախագահի անձնական ներկայացուցչի թիմի կարողությունների ընդլայնում։

 Ուշագրավ
Պատասխանելով ապագայում նոր հանդիպման մասին հարցին՝ Փաշինյանն ասել է, որ «կոնկրետ պլաններ դեռ չկան»
Արցախի ԱԳՆ-ն նաև Ադրբեջանի իշխանություններին կոչ է անում հրաժարվել հակամարտության ուժային լուծման անհեռանկարային քաղաքականությունից
Սա առաջին դեպքն է, երբ Մեքսիկայում օրենսդիր մարմինը պաշտոնապես ճանաչում է Հայոց ցեղասպանությունը
Նրանք ներկա կլինեն ԵՄ Արևելյան գործընկերության 10-ամյակի ընթրիքին