Եսայանի անվան հին պոլիկլինիկան հիմնանորոգվում է, կապահովվի ժամանակակից սարքավորումներով 1 հուլիսի 2016 - 11:18 AMT PanARMENIAN.Net - Երևանի քաղաքապետ Տարոն Մարգարյանն այցելել է Քանաքեռ-Զեյթուն վարչական շրջանի Կառլեն Եսայանի անվան պոլիկլինիկա, որն ամբողջությամբ հիմնանորոգվում է: Տնօրեն Աննա Սիսոյանի ուղեկցությամբ քաղաքապետը շրջել է հարկաբաժիններով, ծանոթացել աշխատանքների ընթացքին: Դեռևս նախորդ դարի 50-ական թվականներին կառուցված պոլիկլինիկան, որը երբևէ հիմնանորոգման չէր ենթարկվել, պատասխանատուների հավաստմամբ, մինչև տարեվերջ ամբողջությամբ նորոգված ու ժամանակակից բուժսարքավորումներով կահավորված կապահովի բժշկական այս հաստատությունից օգտվող ավելի քան 43.000 բնակիչների լիարժեք սպասարկումը: Ներդրումային ծրագիրն ամբողջությամբ իրականացվում է ՀՀ վաստակավոր բժիշկ, բարերար Կառլեն Եսայանի տիկնոջ՝ ՀՀ վաստակավոր բժիշկ, բարերար Սառա Եսայանի աջակցությամբ: Առանձնակի կարևորելով ներդրումային ծրագրի կյանքի կոչումը, Երևանի քաղաքապետը նկատել է, որ աշխատանքների ավարտից հետո պոլիկլինիկան կարող է իսկապես օրինակելի բուժհաստատություն դառնալ: «Կառլեն Եսայանի անվան պոլիկլինիկայի հիմնանորոգման ծրագիրն իրականացվում է Եսայանների ընտանիքի կողմից: Իսկապես մեծածավալ աշխատանք է իրականացվում, որի արդյունքում, համոզված եմ, մենք կունենանք օրինակելի պոլիկլինիկա՝ ապահովված անհրաժեշտ բոլոր պայմաններով: Պատասխանատուներն էլ վստահեցրին, որ մինչև տարեվերջ աշխատանքներն ամբողջությամբ կավարտեն: Ողջունելով մասնավոր հատվածի կողմից նմանատիպ ծրագրերի իրականացումը, նաև նշեմ, որ մենք ևս շարունակելու ենք Երևանի քաղաքապետարանի ենթակայության պոլիկլինիկաների թե՛ պայմանների բարելավման, և թե՛ նոր ու ժամանակակից սարքավորումներով համալրելու վերջին տարիների մեր քաղաքականությունը», - ընդգծել է քաղաքապետը: Նա հավելել է, որ հարմարավետ պայմանների ապահովման ու բուժսարքավորումների արդիականացմանը զուգահեռ մշտական ուշադրության կենտրոնում է մնալու նաև քաղաքացիների պատշաճ սպասարկումը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |