12 07.07.16 - Արգենտինայի անկախության 200-ամյակին նվիրված Ռաուլ Բարբոզայի տրիոյի համերգի վերաբերյալ մամուլի ասուլիս Երևանում կհնչի արգենտինյան չամամե երաժշտությունը. Կատարողը հայտնի ակորդեոնահար Բարբոզան է 7 հուլիսի 2016 - 16:52 AMT PanARMENIAN.Net - Հայտնի ակորդեոնահար, արգենտինյան չամամե երաժշտական ժանրի կատարող Ռաուլ Բարբոզան հուլիսի 7-ին՝ ժամը 19:00-ին, առաջին անգամ համերգ կտա Հայաստանում՝ Արամ Խաչատրյան համերգասրահում: Համերգային հագեցած ու ինքնատիպ ծրագիրը Բարբոզան կներկայացնի իր տրիոյի հետ միասին, որում ընդգրկված են նաև կիթառահար Դանիել Դիազը և կիթառահար Նորբերտո Պեդրեյրան: Միջոցառումը նվիրվում է Արգենտինայի անկախության 200-ամյակին: Համերգը կկայանա Արամ Խաչատրյան համերգասրահի և ՀՀ-ում Արգենտինայի դեսպան հետ գործակցությամբ, գլխավոր հովանավորը Կոնվերս բանկն է: Արգենտինյան չամամե երաժշտության (հյուսիսամերիկյան հնդկացիների` գուարանի ցեղին պատկանող երաժշտությունն է), մի շարք կատարողների մեջ հենց Ռաուլ Բարբոզան էր, որը թե՛ երաժշտական առումով, թե՛ աշխարհագրորեն ավելի հեռու է տարել արգենտինական Լիտորալ շրջանին բնորոշ այս ժանրը: Ակորդեոն նվագելու եզակի տեխնիկային տիրապետելուց բացի` Բարբոզան գրեթե 20 տարի նաև որպես կոմպոզիտոր է ներկայանում: Երևանում լրագրողների հետ հանդիպմանը Բարբոզան ներկայացրեց իր երաժշտական ուղղին՝ պատմելով, որ հայրը` Ռաֆայել Բարբոզան, գուարանի ծագմամբ (Արգենտինայում հյուսիսամերիկյան հնդկացիների ցեղ է) երաժիշտ էր: Երբ ինքը 7 տարեկան էր, հայրը նրան փոքր ակորդեոն է նվիրում: Ռաուլիտոն, ինչպես նրան անվանում էին այդ ժամանակ, արագորեն հմտանում է գործիքը նվագելու մեջ` դրա հետ միասին սովորելով նաև գուարանիներին բնորոշ չամամե գյուղական երաժշտությունը: Բարբոզան նշեց, որ ինքնուս երաժիշտ է, հատուկ կրթություն չի ստացել: «Լինել ինքնուս նշանակում է հետաքրքասեր լինել», - նշեց ակորդեոնահարը:
1964-ին՝ 12 տարեկանում, Բարբոզան ձայնագրում է իր առաջին պրոֆեսիոնալ սկավառակը, չնայած դեռ ավելի վաղ՝ 9 տարեկանում, նրա կատարմամբ երաժշտությունը հաղորդում էին ռադիոյով: Բարբոզան գործունեություն է ծավալել նաև Բրազիլիայում, 70-ականներին մեկնել համերգային շրջագայության Խորհրդային Միություն, իսկ ավելի ուշ` Ճապոնիա: «Երբ 15 տարիս լրացավ, հայրս ինձ տարավ Իտալիայից եկած մի ընտանիքի մոտ, որն ակորդեոններ էր պատրաստում: Ինձ համար գործիք էին սարքել, որի վրա փորձարկեցի բոլոր հնարավոր ակորդները: Ակորդիոնի այն տեսակը, որի վրա նվագում եմ, բացի սպիտակներից, դաշնամուրի պես ունի նաև սև ստեղներ, որոնց շնորհիվ կարելի է նվագել ցանկացած տեսակի երաժշտություն: Իսկ չամամե երաժշտությունը, որը մեր երկիր է եկել միսիոներների միջոցով, մազուրկայի և պոլկայի համադրում է», - ասաց Բարբոզան: «Կարծում եմ, երաժշտությունն ինձ համար անգիտակից մի միջոց է, որով արտահայտում եմ իմ ուրախությունն ու տխրությունը: Միշտ լսում էի տարատեսակ ժանրերում մեծ երաժիշտների կատարումը և այդ երաժշտությունն այլ կերպ արտահայտում իմ ակորդիոնի միջոցով, փորձում էի իրականացնել այդ ամենն այն «տարածքի» մեջ, որն ակորդիոնն է»: Չամամե երաժշտւթյան մասին Բարբոզան նաև ասում է. «Չամամեն բուն էթնիկ երաժշտություն չէ, այն կիսառիթմիկ երաժշտություն է, որն աջ ձեռքում նվագում են երկմաս տեմպում, իսկ ձախ ձեռքում` եռամաս տեմպում: Հենց սա է, որ բարդացնում է այս երաժշտությունը, և նրանք, ովքեր տանգո են նվագում, մեծ դժվարությամբ են նվագում չամամե»: Հիսուն տարեկան հասակում, Բարբոզան որոշել է կարիերան շարունակել Փարիզում և հենց այնտեղ էլ ձայնագրել իր Charles Cross սկավառակը: 2009-ին ձայնագրում է «Ձմեռը Փարիզում» ձայնասկավառակը` կիթառահար Հորասիո Կաստիլյոյի հետ միասին: Երաժիշտը պատմեց նաև, որ Փարիզում համերգներ տալուց բացի` նա նաև սովորեցնում էր չամամեի արվեստը, որովհետև մարդիկ, որոնք սկսել են չամամե նվագել լսողությամբ, ինչպես հենց ինքը, երբեք չեն պատկերացրել` որքան բարդ այն կարող է լինել: «Չամամե սովորեցելու համար պետք է կարողանալ երաժշտություն գրել: 78 տարեկան եմ, 71 տարի նվագում եմ, սակայն միայն 10 տարի է, որ, կարելի է ասել, սովորեցի չամամե երաժշտությունը գրառել՝ նոթագրել: Միշտ լսողությամբ եմ նվագում»:
Խոսելով Հայաստան այցի մասին, երաժիշտը նշեց. «Հայաստանի մասին գիտեի թերթերից, ամսագրերից, իսկ դպրոցում հայ ընկեր և ընկերուհի ունեի, որոնցից և իմանում էի Հայաստանի մասին: Որտեղ որ գնում եմ, փորձում եմ ճանաչել, հասկանալ մշակույթը, լեզվական կառուցվածքները, մարդկանց, երբ ստացվում է՝ հետաքրքրությունը դառնում է ուրախություն: Այսօր պետք է փորձեմ երաժշտության միջոցով արտահայտել սերն ու հարգանքը Հայաստանի հանդեպ»: Համերգի Գլխավոր հովանավոր՝ Կոնվերս բանկի խորհրդի անդամ, արգենտինացի Խուան Կառլոս Օսկոիդին, նշեց, որ համերգը մասնավոր և մշկութային սեկտորների գործակցության արդյունք է: «Մենք դեսպանատան հետ համատեղ իրականացնում ենք մի շարք մշակութային միջոցառումներ, որսպեսզի երկու բարեկամ երկրի միջև մշակութային փոխանակում լինի», - պարզաբանեց Օսկոիդին: ՀՀ-ում Արգենտանային դեսպան Գոնզալո Ուրրիոլաբեիտիան նույնպես նշեց, որ նմանատիպ երաժշտական միջոցառումները կսերտացնեն երկու բարեկամական երկրի հարաբերությունները: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա |