Ադրբեջանի ծանրամարտի հավաքականը կարող է որակազրկվել 1 տարով 9 հուլիսի 2016 - 13:16 AMT PanARMENIAN.Net - Ադրբեջանի ծանրամարտի հավաքականը կարող է որակազրկվել 1 տարով: Որակազրկման սպառնալիք առաջացավ, երբ ևս մեկ ադրբեջանցի ծանրորդի արյան մեջ հայտնաբերվեցին խթանիչի հետքեր: Խոսքը Սարդար Հասանովի մասին է, որի 2008-ի Պեկինի Օլիմպիադայի ժամանակ կատարված արյան հետազոտության վերստուգումը խթանիչի օգտագործման դրական արդյունք է ցույց տվել: Ստուգումները նախաձեռնել է Միջազգային օլիմպիական կոմիտեն Ռիոյի Օլիմպիադային ընդառաջ, հայտնում է Haqqin.az-ը: Ավելի վաղ խթանիչի օգտագործման հետքեր էին հայտնաբերվել Ինթիգամ Զաիրովի և Բոյանկա Կոստովայի մոտ: Հունիսին Ծանրամարտի միջազգային ֆեդերացիան (IWF) հայտարարեց, որ մեկ տարով կորակազրկվեն այն երկրները, որոնց թիմում խթանիչների օգտագործման վերստուգումներից հետո 3 և ավելի դրական արդյունքներ կհայտնաբերվեն (Պեկինի և Լոնոդոնի օլիմպիական խաղերի ժամանակ հանձնած թեստերում): Այդ շարքին դասվեցին Ղազախստանը, Ռուսաստանն ու Բելառուսը: Նրանց կարող է միանալ նաև Ադրբեջանը: Եթե Զաիրովի, Կոստովայի և Հասանովի մոտ խթանիչների առկայությունը հաստատվի, ապա Ադրբեջանը կորակազրկվի 1 տարով: Բացի այդ, IWF-ն հայտարարել է, որ հետաքննության անկախ հանձնաժողով է ստեղծելու այդ երկրների հետ կապված: Ավելի վաղ հայտնի դարձավ, որ Ադրբեջանը զրկվել է օլիմպիական բոլոր արտոնագրերից ծանրամարտում: Ադրբեջանը զրկվել է 6 ծանրորդի հավաքած բոլոր միավորներից, որոնց արյան մեջ ԱԱ-2015 արդյունքներում խթանիչ է հայտնաբերվել: Արդյունքում օլիմպիական տղամարդկանց աղյուսակում այդ երկիրը 16-րդ տեղից նահանջել է 31-րդը, որի համար Օլիմպիադայի մասնակցության արտոնագրեր չեն տրվում, քանի որ դա նախատեսված է միայն լավագույն 24 երկրի համար: Կանանց ստուգարքում Ռիոյի ուղեգիր է ստացել 21 երկիր: Ադրբեջանն այս ցուցակում 26-րդն է: Ադրբեջանի ծանրամարտի ֆեդերացիան արդեն հայտարարել է, որ բողոքարկելու է երկրին օլիմպիական արտոնագրերից զրկելու որոշումը: Խթանիչներ օգտագործած մարզիկների նոր ցուցակում է հայտնվել նաև հայ ծանրորդ Տիգրան Մարտիրոսյանը: Հղումներ թեմայով. Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին |