Արսինե Խանջյան․ Չնայած բերման ենթարկվելուն՝ չեմ հեռանա Հայաստանից28 հուլիսի 2016 - 13:17 AMT PanARMENIAN.Net - Կանադահայ հայտնի կինոդերասանուհի, պրոդյուսեր Արսինե Խանջյանը, որը նաև կինոռեժիսոր Ատոմ Էգոյանի կինն է, ICI Radio Canada կանադական ռադիոկայանին տված հարցազրույցում անդրադարձել է հուլիսի 27-ին Երևանի Խորենացի փողոցում կազմակերպված ցույցին մասնակցելիս ոստիկանության կողմից իրեն բերման ենթարկելուն: Արսինե Խանջյանը պատմել է, որ հայրենիք է ժամանել հարսանիքի մասնակցելու նպատակով և այստեղ տեղեկացել, որ հակաիշխանական լայնամասշտաբ ցույցեր են կազմակերպվել։ Դերասանուհու խոսքով՝ իրեն հրավիրել են սեփական ձայնը հնչեցնելու ի աջակցություն ցուցարարների, ինչն էլ արել է հուլիսի 26-ի երեկոյան։ Արսինե Խանջյանը ռադիոկայանին հայտնել է նաև, որ հաջորդ օրն իրեն, ևս 300 այլ ցուցարարների հետ միասին, բերման են ենթարկել։ Հուլիսի 27-ին Խորենացի փողոցում ցույցի ժամանակ բերման են ենթարկել կանադահայ դերասանուհի Արսինե Խանջյանին։ Նույն օրը Խանջյանին ազատ են արձակել, հայտնել է նրա փաստաբան Արամազդ Կիվիրյանը: «Խանջյանին տարել էին Ոստիկանության ներքին զորքերի զորամաս, որտեղ խլել էին հեռախոսը», - ասել է փաստաբանը: Դերասանուհուն ազատ են արձակել բերման ենթարկելուց 3 ժամ անց:Դերասանուհին հուլիսի 27-ին գնացել էր Խորենացի փողոց և հանդես եկել ելույթով՝ ի պաշտպանություն «Սասնա ծռերի»: Ոստիկանության բաժնում կանադահայ դերասանուհուն մոտ երկու ժամ հարցաքննել են, ապա ազատ արձակել, ընդ որում, ինչպես հարցազրույցի ընթացքում շեշտել է նա, իրեն որևէ մեղադրանք չի առաջադրվել։ Արսինե Խանջյանը հայտնել է նաև, որ ոստիկաններn առգրավել են իր ձեռքի տեսախցիկը, որով նկարահանում էր ցույցի ընթացքը։ Սակայն այս բոլոր անախորժությունները, ինչպես հավաստել է դերասանուհին, չեն խոչընդոտի Հայաստանում իր մնալուն. նա նաև չի բացառել, որ դարձյալ կմասնակցի ընդդիմադիրների կազմակերպած ցույցերին ու երթերին։ Ցույցի մասնակիցները վանկարկում էին նախագահ Սերժ Սարգսյանի հրաժարականի պահանջը, գունդը գրաված անձանց և «Հիմնադիր խորհրդարանի» անդամ, ձերբակալված Ժիրայր Սեֆիլյանի անունները: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |