Չուգասզյան. «Կհրապարակենք բանակցությունների ձայնագրությունը, եթե Սարգսյան-Սեֆիլյան հանդիպումը չկայանա»

Չուգասզյան. «Կհրապարակենք բանակցությունների ձայնագրությունը, եթե Սարգսյան-Սեֆիլյան հանդիպումը չկայանա»

PanARMENIAN.Net - «Հիմնադիր խորհրդարան»-ը հրապարակելու է «Սասնա ծռերի» հետ բանակցությունների ձայնագրությունը, եթե չկայանա ՀՀ նախագահի և «Հիմնադիր խորհրդարան» շարժման անդամ, կալանավորված Ժիրայր Սեֆիլյանի հանդիպումը: Այս մասին ասել է «Հիմնադիր խորհրդարան»-ի ընդհատակում գտնվող ղեկավար Գարեգին Չուգասզյանը, գրում է«ՍիվիլՆեթ»-ը:

15 օր շարունակ Հայաստանի ոստիկանության պարեկապահակային ծառայության գնդի տարածքը գրաված պահելուց հետո, հուլիսի 31-ին զինված խմբի անդամները վայր դրեցին զենքն ու հանձնվեցին իրավապարներին:

Հարցին, թե նախագահ Սերժ Սարգսյանը պատրաստակամություն էր հայտնել հանդիպելու Սեֆիլյանի հետ զենքերը վայր դնելուց հետո, կլինի արդյոք նման հանդիպում, Չուգասզյանը պատասխանել է, որ այդ հարցը պետք է ուղղել հենց նախագահին։

«Մենք մեր ձեռքի տակ ունենք զենքերը վայր դնելու բանակցությունների ձայնագրությունը, ուր հստակ տղաներին խոստացվում է այդ հանդիպումը: Հանդիպումը մինչև օգոստոսի 4-ը՝ ժամը 18.00 չկայանալու դեպքում մենք կհրապարակենք այդ ձայնագրությունը», - ասել է «Հիմնադիր խորհրդարան»-ի ղեկավարը:

«Հիմնադիր խորհրդարան»-ի անդամ Գարեգին Չուգասզյանի նկատմամբ հետախուզում է հայտարարվել: Այս մասին հայտնել են ՀՀ քննչական կոմիտեից հուլիսի 26-ին։

«ՀԿԳ քննության գլխավոր վարչության վարույթում քննվող քրեական գործով անհրաժեշտություն է առաջացել քրեական գործով մեղադրյալ Գարեգին Չուգասզյանի և մի քանի այլ անձանց մասնակցությամբ իրականացնել քննչական գործողություններ և օրենքով սահմանված կարգով ուղարկվել են ծանուցագրեր։

Գ.Չուգասզյանը, ում նկատմամբ՝ որպես մեղադրյալի, խափանման միջոց էր ընտրվել ստորագրություն չհեռանալու մասին, չի ներկայացել վարույթն իրականացնող մարմնին։ Պարզվել է նաև, որ նա փոխել է բնակության վայրը՝ առանց այդ մասին պատշաճ ծանուցելու նախաքննական մարմնին՝ այդպիսով խախտելով ընտրված խափանման միջոցի՝ օրենքով սահմանված պահանջները։ Դատարանի որոշմամբ մեղադրյալ Չուգասզյանի նկատմամբ որպես խափանման միջոց է ընտրվել կալանավորումը, նրա նկատմամբ հայտարարվել է հետախուզում»,- հայտնել են ՔԿ-ից:

Գարեգին Չուգասզյանը, Պավել Մանուկյանը, Գևորգ Սաֆարյանը, Ժիրայր Սեֆիլյանը և Վարուժան Ավետիսյանը մեղադրվում են 2015թ. ապրիլի 24-ին Երևանում զանգվածային անկարգություններ կազմակերպելու նախապատրաստության մեջ:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---