Մոտ 411 մլն դրամ՝ Արարատում և Գեղարքունիքում շինությունների վերանորոգմանը

Մոտ 411 մլն դրամ՝ Արարատում և Գեղարքունիքում շինությունների վերանորոգմանը

PanARMENIAN.Net - Գործադիրի օգոստոսի 11-ի որոշմամբ ՀՀ Արարատի և Գեղարքունիքի մարզերի մի շարք խնդիրների լուծման ուղղությամբ իրականացվելիք աշխատանքների համար կառավարության պահուստային ֆոնդից կհատկացվի 411.630.000 դրամ, այդ թվում` Արարատի մարզպետարանին՝ 316.000.000 դրամ, Գեղարքունիքի մարզպետարանին՝ 95.630.000 դրամ:

Հիմնավորման համաձայն՝ Արարատի մարզի Ջրահովիտ, Նորաբաց, Սիս, Ղուկասավան, Դալար, Քաղցրաշեն, Բարձրաշեն, Բյուրավան համայնքների մանկապարտեզները և Վեդի քաղաքի թիվ 2 մանկապարտեզը գտնվում են անմխիթար վիճակում: Մանկապարտեզների վերանորոգման համար անհրաժեշտ է 142 մլն դրամ:

Արարատի մարզի Փոքր Վեդի, Լուսառատ, Նոր-Կյանք, Մրգավետ համայնքների ներքին գազատարի կառուցման համար անհրաժեշտ է 48 մլն դրամ, Արաքսավան համայնքի 3 բազմաբնակարան բնակելի շենքերի տանիքների, մուտքերի վերանորոգման համար՝ 30 մլն դրամ, Նոյակերտ համայնքի ճանապարհի վերանորոգման համար՝ 15 մլն դրամ, Բերդիկ համայնքի մշակույթի տան վերանորոգման համար՝ 30 մլն դրամ, Շահումյան համայնքի արվեստի դպրոցի վերանորոգման համար՝ 20 մլն դրամ, Աբովյան համայնքի մշակույթի տան ասֆալտապատման համար՝ 6 մլն դրամ, Այգեպատ համայնքի դպրոցի պատուհանները փոխելու համար՝ 15 մլն:

Անհրաժեշտ է նաև գույք ձեռք բերել Արարատի մարզի Սուրենավան, Բյուրավան համայնքների մանկապարտեզների և Աբովյան համայնքի մշակույթի տան համար՝ 10 մլն դրամ: Նույն որոշմամբ Մարտունու հիվանդանոցի մասնաշենքի տանիքի կառուցման և Մարտունու ծննդատան հատակի վերանորոգման համար կհատկացվի 28 մլն դրամ, Գավառ քաղաքի Հացառատ թաղամասի մանկապարտեզի տանիքի վերանորոգման համար՝ 21 մլն դրամ, իսկ կենտրոնական հրապարակի վերակառուցման համար՝ 20.630.000 դրամ, Վահան համայնքի հանդիսությունների սրահի վերանորոգման համար՝ 6 մլն դրամ, «Համայնքների գյուղատնտեսական ռեսուրսների կառավարման և մրցունակության» ծրագրի իրականացման համար համաֆինանսավորման նպատակով Վահան և Սեմյոնովկա համայնքներին՝ 10 մլն դրամ, Մ4-Շորժա-Վարդենիս միջպետական նշանակության ավտոճանապարհի Դարանակ-Ծափաթաղ շուրջ 9 կմ հատվածի բարեկարգման համար՝ 10 մլն դրամ:

Անդրադառնալով հարցին վարչապետ Հովիկ Աբրահամյանը նշել է, որ համայնքներում կան խնդիրներ, որոնք հրատապ լուծում են պահանջում և հանձնարարել է համապատասխան գերատեսչությունների ղեկավարներին արագ պատրաստել փաստաթղթերը, որպեսզի մինչև աշուն այդ ծրագրերը իրականացվեն:

 Ուշագրավ
Ուսումնասիրությունները մեկնարկել են Փաշինյանի հանձնարարությամբ
Երասխում պողպատի գործարանի կառուցման համար ընկերությունը ներդրել էր 2 միլիարդ դրամ
Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը
Կապահովվի խաղողի մթերումների գործընթացի կազմակերպումը
---