Պիկետ Մոսկվայում ԱԳՆ շենքի մոտ. Պահանջում են փրկել Բաքվում ապօրինաբար ձերբակալված հային23 օգոստոսի 2016 - 13:01 AMT PanARMENIAN.Net - ՌԴ ԱԳՆ շենքի մոտ Ելենա Մակարենկոն պիկետ է անցկացնում ի պաշտպանություն ՌԴ հայազգի քաղաքացի Մարատ Ուելդանովի (Գալուստյան), որն ապօրինաբար ձերբակալվել է Բաքվում: Այդ մասին ֆեյսբուքյան իր էջում գրել է ՌԴ միջազգային իրավունքի ասոցիացիայի անդամ, Հայ-ռուսական համագործակցության փորձագետ Դենիս Դվորնիկովը: Պիկետի դուրս եկած Ելենա Մակարենկոն նույնպես ձերբակալվել էր Բաքվում Ուելդանովի հետ միաժամանակ, սակայն, նրան ազատ արձակեցին 15 օր անց: «Սա հուսահատության քայլ է իշխանությունների անգործության պատճառով: Ոչ Բաքվում ՌԴ դեսպանությունը, ոչ կենտրոնական ապարատը ոչ մի էական աջակցություն չեն ցուցաբերում Մարատին և նրա մերձավորներին: Հիշեցնեմ, որ Մարատ Ուելդանովը Բաքվում ձերբակալվել է թմրանյութեր տարածելու «կեղծ» մեղադրանքով: Իրական պատճառը նրա հայկական ծագումն է, ինչն անուղղակիորեն հաստատել են նաև ռուսական դեսպանատանը»,-գրել է Դվորնիկովը: Ռուսաստանի դաշնության քաղաքացի Մարատ Ուելդոնով-Գալուստանը Բաքու ժամանելով հայտնվել է բանտում: Ուելդանովը, որն ավստրիական մի ընկերության աշխատակից է, Բաքու էր ժամանել հունիսին, գործուղման: Նա ձերբակալվել է ադրբեջանական քրեական օրենսգրքի 234 հոդվածով մեղադրանքով՝ թմրանյութ շրջանառելու մեղադրանքով: Ի պատասխան ընտանիքի բողոքներին, ՌԴ դեսպանատունը փաստացի հաստատել է հետապնդման ազգային դրդապատճառը: Դեսպանատանն առաջարկել են ըմբռնումով մոտենալ երկրում տիրող իրավիճակին ու նշել, որ «հայկական ծագումը բարդացնում է նրա պաշտպանությունը»: Ըստ ՌԴ ԱԳՆ տարածած փաստաթղթի, ՌԴ քաղաքացի Ուելդանովը մեղադրվում է Ադրբեջանում բավականին տարածված հոդվածով, որը, որպես կանոն, կիրառվում է իշխանությունների կողմից ընդդիմադիրների, երիտասարդ ակտիվիստների և անհաճո անձանց դեմ` թմրանյութերի կամ հոգեմետ միջոցների պատրաստում, արտադրություն, գնում, փոխադրում, փոխանցում կամ վաճառք: Ընթերցեք նաև. Բաքվում հայազգի ռուսաստանցու են ձերբակալել. ԴԴ դեսպանատունն ասում է՝ ազգությունը խոչընդոտ է օգնելուն Հղումներ թեմայով. Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին |