Էրդողան. Թուրքիայի գործողությունը Սիրիայում ուղղված է ԻՊ և քրդերի դեմ24 օգոստոսի 2016 - 17:17 AMT PanARMENIAN.Net - Թուրքական բանակի գործողությունը սիրիական Ջարաբլուսում ուղղված է ահաբեկչական «Իսլամական պետության» գրոհայինների և սիրիացի քրդերի «Ժողովրդավարական միություն» կուսակցության դեմ: Այդ մասին Անկարայում հայտարարել է Թուրքիայի նախագահ Ռեջեփ Թայիփ Էրդողանը: «Անցած գիշեր մեր անվտանգության ուժերը գործողություն են սկսել Սիրիայի հյուսիսում մեր երկրին սպառնացող ահաբեկչական կազմակերպությունների դեմ, ինչպիսիք են ԻՊ-ն և «Ժողովրդավարական միությունը»: Պետք է վերջ տալ այդ հարձակումներին, որոնք սահմանի այն կողմից իրականացվում են մեր դեմ»,-ասել է Էրդողանը, հայտնում է ՏԱՍՍ-ը: Քրդական «Ժողովրդավարական միություն» կուսակցության առաջնորդ Սալեհ Մուսլիմն իր հերթին հայտարարել է, որ Թուրքիան կխրվի «սիրիական ճահճում, ինչպես ԻՊ գրոհայինները»: «Ժողովրդավարական միություն» կուսակցությունը սիրիաբնակ քրդերի ամենամեծ քաղաքական կազմակերպությունն է: Նրա ակտիվիստները կազմում են քրդերի ինքնապաշտպանության ջոկատների կորիզը: Ըստ Մուսլիմի, «Թուրքիան գնալով ավելի խորն է խրվում սիրիական ճգնաժամի ճահճի մեջ, որից դուրս գալը շատ դժվար է լինելու»: «Կարծում եմ, թուրքերը մեծ կորուստներ կունենան այս պատերազմում: Սիրիայի ժողովրդի մեծ մասը, «Ժողովրդավարական Սիրիայի ուժեր» կոալիցիան և Ջարաբլուսի ռազմական խորհուրդը դեմ են թուրքական ներխուժմանը»,-ասել է նա: «Թուրքիան բոլոր այս տարիներին կռվել է ԻՊ, «Ջեբհաթ ան Նուսրայի» և այլ խմբավորումների գրոհայինների ձեռքերով: Անմիջական զինված միջամտությունը մեծ կորուստներ կբերի Թուրքիային»,-ասել է քուրդ քաղաքական գործիչը: Ջարաբլուսի մատույցներում կուտակված են թուրքական բանակի զրահատանկային միավորումները: Ավելի վաղ թուրքական NTV-ն հայտնել էր, որ Թուրքիան պաշտոնապես տեղեկացրել է Ռուսաստանին Սիրիայի հյուսիսում գործողություն սկսելու մասին: Հայտնի է, որ արդեն սիրիական սահմանն են հատել հատուջոկատայինները: Ահաբեկիչների դիրքերին հասցվում են տանկային, հրետանային և օդային հարվածներ: Ընթերցեք նաև. Սիրիայի ԱԳՆ. Թուրքիան ցանկանում է ԻՊ-ին փոխարինել այլ ահաբեկիչներով Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |