Ուրուգվայում սեպտեմբերի 2-ին Արցախին նվիրված համաժողով կանցկացվի31 օգոստոսի 2016 - 16:26 AMT PanARMENIAN.Net - Սեպտեմբերի 2-ին Ուրուգվայում տեղի կունենա համաժողով` նվիրված Լեռնային Ղարաբաղի Հանրապետության անկախության հռչակման 25-ամյակին, հայտնում է Prensa Armenia-ն: «Ղարաբաղին նվիրված համաժողովն Ուրուգվայում մի հարթակ է, որը կհամախմբի հասարակական գործիչների, գիտնականների և օրենսդիրների` նպաստելու համար ղարաբաղյան հակամարտության խաղաղ կարգավորման վերաբերյալ Լեռնային Ղարաբաղի դիրքորոշման առաջխաղացմանը»,-ասվում է համաժողովի կազմակերպումը նախաձեռնած Ուրուգվայի Հայ Դատի հանձնախմբի հաղորդագրության մեջ: Համաժողովի մասնակիցները գիտական հոդվածներ կհրապարակեն, իսկ համաժողովի շրջանակում կմասնակցեն ԼՂ հիմնախնդրին նվիրված բանավեճին: Համաժողովն անցկացվում է ՀՀ դեսպանության ֆինանսական աջակցությամբ: Միջոցառմանը կմասնակցի ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը, որը կընթերցի ԼՂՀ նախագահ Բակո Սահակյանի ուղերձը: Համաժողովին կմասնացեն սենատորներ Ռաֆայել Միշելինին, Ռուբեն Մարտինես Ուելմոն, պատգամավոր Դանիել Ռադիոն (վերջին երկուսն ընդգրկված են Ադրբեջանի «սև ցուցակում»), պատգամավոր Սուսաննա Պերեյրան (նա որպես միջազգային դիտորդ ներկա է եղել ԼՂՀ նախագահի ընտրություններին), պատգամավոր Պաբլո Աբդալան, Ուրուգվայի ԱԳ նախկին փոխնախարար Բելելա Հերարան, պատմաբան Ժերարդո Կաետանոն և մարդու իրավունքների գծով փորձագետ Օսկար Լոպես Գոլդարացենան: Ապրիլին Ուրուգվայի արտաքին հարաբերությունների նախարար Ռոդոլֆո Նին Նովոան հայտարարել էր, որ Ուրուգվայը ուշադիր հետևում է դեպքերի զարգացմանը, պահպանելով զգուշավոր և հավասարակշռված դիրքորոշում՝ որպես ՄԱԿ-ի Անվտանգության խորհրդի անդամ: Ապրիլի 13-ին Ուրուգվայի Ազատության հրապարակում բողոքի ցույց տեղի ունեցավ ընդդեմ Ադրբեջանի սանձազերծած ագրեսիայի: Ցույցը տեղի է ունեցել ՀՅԴ և ՍԴՀԿ ավանդական կուսակցությունների նախաձեռնությամբ: Բազմաթիվ ուրուգվահայերի հետ մեկտեղ ցույցին մասնակցել է նաև Ուրուգվայի զբոսաշրջության հայազգի նախարար Լիլիան Քեշիշյանը: Ապրիլի 5-ին Ուրուգվայի արտաքին գործերի նախարարությունը հայտարարություն էր տարածել ԼՂ շուրջ տեղի ունեցող իրադարձությունների կապակցությամբ` «կոչ անելով կողմերին հարգել հրադադարի համաձայնագիրը, վերջ դնել ռազմական գործողություններին, նվազեցնել լարվածությունը տարածաշրջանում և ուղիներ փնտրել ԵԱՀԿ Մինսկի խմբի շրջանակներում երկխոսության միջոցով Լեռնային Ղարաբաղի հակամարտության խաղաղ կարգավորման ուղղությամբ»: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |