  Մոգերինի. Տեսանելի ապագայում ԵՄ-ն բանակ չի ունենա 3 սեպտեմբերի 2016 - 13:45 AMT PanARMENIAN.Net - Տեսանելի ապագայում Եվրամիության բանակ չի ստեղծվի: Այդ մասին հայտարարել է ԵՄ արտաքին գործերի և անվտանգության քաղաքականության գծով ներկայացուցիչ ֆեդերիկա Մոգերինին ԵՄ ԱԳՆ ղեկավարների ոչ պաշտոնական հանդիպման առաջին օրվա ավարտին: «ԵՄ-ն տեսանելի ապագայում բանակ չի ունենա: Սակայն, մենք արդեն հիմա կարող ենք աշխատել պաշտպանության և անվտանգության ոլորտում կոնկրետ համատեղ նախաձեռնությունների իրականացման վրա»,-ասել է Մոգերինին, հայտնում է «Ռոսիյսկայա գազետան»: Նա հիշեցրել է, որ Վարշավայում հունիսի 8-9-ը կայացած ՆԱՏՕ-ի գագաթնաժողովում հատուկ հուշագիր է ստորագրվել ԵՄ և ՆԱՏՕ-ի միջև պաշտպանության ոլորտում համագործակցության ընդլայնման վերաբերյալ: Բացի այդ Մոգերինին խոստացել է «հատուկ ուշադրություն դարձնել» անվտանգության խնդիրներին ԵՄ ն արտաքին քաղաքականության նոր ռազմավարությունը կյանքի կոչելիս»: Քաղաքագետները նշում են, որ արդեն 20 տարի շարունակ քննարկվող ԵՄ բանակի ստեղծման գաղափարը վերջնականապես արգելակվեց, երբ Մեծ Բրիտանիան որոշեց դուրս գալ ԵՄ կազմից: Սեփական եվրոպական բանակի ստեղծման գաղափարին ավանդաբար կողմ են Գերմանիան և Ֆրանսիան: Մեծ Բրիտանիան միշտ դեմ է եղել դրան, իսկ ԵՄ-ից դուրս դեմ է եղել ԱՄՆ-ն, հավանաբար, մտավախություն ունենալով, որ նման կառույցի ձևավորումը կարող է խարխլել ՆԱՏՕ-ի դերը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
