iOS 10-ը խնդիրներ է առաջացրել Apple-ի օգտատերերի համար

14 սեպտեմբերի 2016 - 17:26 AMT

PanARMENIAN.Net - Apple-ը սեպտեմբերի 13-ին թողարկել է իր բջջային օպերացիոն համակարգի նոր` iOS 10 տարբերակը բոլոր օգտատերերի համար:

Պաշտոնական թողարկումից բառացի ժամեր անց Apple-ի օգտատերը սկսեցին սոցցանցերում բողոքելսմարթֆոնների և պլանշետների խափանումից:

Նոր սոֆթի ոչ ճիշտ ներբեռնման պատճառով տուժել են Apple-ի տարբեր սարքեր, սակայն հիմնական դեպքերը կապված են նոր iPhone 6s/Plus, SE և iPad Pro մոդելների հետ, գրում է Gazeta.ru-ն:

Թարմացված տարբերակի ներբեռնումից հետո, որը ոչ մի կասկած չի առաջցնում և սովորական ռեժիմով է ընթանում, սմարթֆոնը վերբեռնվում է: Սակայն օգտատերերից ոմանց այդպես էլ չի հաջովել միացնել սարքը. այն անցնում է վերականգնման ռեժիմի, իսկ էկրանին հայտնվում է iTunes-ին միանալու պահանջ: Թարմացումը շարունակելու համար գաջեթը հարկ է լինում միացնել համակարգչին:

Apple-ն օպերատիվ է արձագանքել խնդրին: Ընկերության ներկայացուցիչը հայտնել է The Verge-ին, որ խնդիրը «ժամանակավոր էր» և առնչվել է «օգտատերերի միայն փոքր տոկոսին» և շատ արագ վերացվել է: Այժմ արդեն օգտատերերը կարող են ներբեռնել IOS 10-ը:

iPhone-ը և iPad-ն առաջին անգամ չեն թարմացման հետ խնդիրներ ունենում: Մի քանի ամիս առաջ նման խնդիրներ առաջացան iPad Pro-ի հետ` iOS 9.3.2-ի տեղադրման ժամանակ: Բազում բողոքներից հետո Apple-ը հետ կանչեց թարմացումն ու վերաթողարկեց ՕՀ-ն երկու շաբաթ առաջ:

Հղումներ թեմայով.

Digital Spy. Apple's iOS 10 update is causing major problems for some users

Gazeta.ru: Убийственная «десятка»