WADA-ն դոպինգային հետաքննությունը կավարտի 2016-ին

19 սեպտեմբերի 2016 - 13:39 AMT

PanARMENIAN.Net - Սոչիի 2014թ. Օլիմպիական խաղերում ռուս մարզիկների խթանիչների ստուգման փորձանմուշների կեղծման մասին մեղադրանքների վերաբերյալ հետաքննությունը կավարտվի 2016-ին: Այդ մասին հայտնել է Համաշխարհային հակադոպինգային գործակալության (WADA) անկախ հանձնաժողովի ղեկավար Ռիչարդ Մաքլարենը:

«Հստակ օրը չեմ նշի, սակայն, հետաքննությունը կավարտվի 2016-ին»,-ասել է Մաքլարենը, հայտնում է ՏԱՍՍ-ը: Ըստ նրա, Սոչիի Օլիմպիական խաղերում խթանիչների փորձանմուշների հետ կապված մեքենայություններին մեղսակից ռուս մարզիկների անունները WADA-ն կփոխանցի միջազգային սպորտային ֆեդերացիաներին:

WADA-ի հուլիսի 18-ի զեկույցում ասվում էր, որ ՌԴ-ում դրական դոպինգ թեստերը թաքցնելու համակարգը կիրառվել է 643 անգամ 2011-2015թթ., ընդհանուր առմամբ մասնակցել են մարզիկներ 30 մարզաձևից:

«Որպես անկախ կողմ ես երբեք անձամբ չեն հրապարակի այդ մարզիկների անունները: Ես նրանց անունները կհանձնեմ ֆեդերացիաներին, որոնց իրավասությանն են իրենք ենթակա: Դրանից հետո արդեն ֆեդերացիաները որոշում կկայացնեն, քանի որ հենց իրենք են պատասխանատվություն կրում այդ մարզիկների արարքների համար»,-ասել է Մաքլարենը:

Սեպտեմբերի 13-ին «Fancy Bears»-ը հրապարակել է WADA-ի տվյալների բազայի առաջին մասը, որում նշվում է, որ WADA-ն ամերիկացի օլիմպիական չեմպիոնուհիներ Սերենա և Վինուս Ուիլյամս քույրերին, մարմնամարզուհի Սիմոնա Բեյլսին ու բասկետբոլիստուհի Ելենա Դելլե Դոննին թույլատրել է արգելված խթանիչներ օգտագործել՝ արպես դեղամիջոց։

Սեպտեմբերի 16-ին Fancy Bears հաքերային խումբը հրապարակել է 5 երկիր ներկայացնող ևս 11 մարզիկի տվյալները, որոնցից 9-ը ոսկե մեդալ են նվաճել Ռիոյի Օլիմպիական խաղերում։

Ընթերցեք նաև. Հաքերները բացահայտել են խթանիչներ օգտագործող ևս 11 մարզիկ. Նրանցից 9-ն օլիմպիական չեմպիոն են

Հղումներ թեմայով.

Tass.ru: Макларен: расследование дела о допинге в российском спорте завершится в 2016 году