 ԵՏՀ նախարար. Իրանին ազատ առևտրի ռեժիմի տրամադրման հարցը կլուծվի մինչև տարեվերջ 20 սեպտեմբերի 2016 - 17:52 AMT PanARMENIAN.Net - Իրանին ԵՏՄ հետ ազատ առևտրի ռեժիմի տրամադրման հարցը կլուծվի մինչև տարեվերջ: Այդ մասին սեպտեմբերի 20-ին Երևանում հայտնել է Եվրասիական տնտեսական հանձնաժողովի նախարար Վերոնիկա Նիկիշինան, հայտնում է «Նովոստի Արմենիան»: Ըստ նրա, այդ հարցի շուրջ բանակցություններ են ընթանում իրանցի գործընկերների հետ: «Մինչև տարեվերջ մենք պետք է հասկանանք բոլոր հնարավոր առավելությունները նման ռեժիմի անցնելու դեպքում, բոլոր հնարավոր պարտավորություններն ու պայմանները, իսկ դեկտեմբերին պետք է ԵՏՄ 5 նախագահներին ներկայացնենք արդեն վերջնական որոշման համար` կամ կստանանք մանդատ գալիք տարի բանակցությունների արագացման ու փաստաթղթի ստորագրման համար, կամ մեզ կասեն, որ հարկավոր է էլի մտածել»,-ասել է Նիկիշինան: Ըստ նրա, միակ չափազանց կարևոր պայմանը դրական մանդատ ստանալու համար փոխշահավետ պայմանավորվածությունների առկայությունն է: «Մենք պատրաստ ենք ազատ առևտուր սահմանել Իրանում արտադրված ապրանքների համար, սակայն մեր անդամ երկրները պայման էին դրել, որ շահավետ պայմաններ ունենան նույն ծավալով ԵՏՄ ապրանքները Իրանի շուկա արտահանելու համար»,-ասել է Նիկիշինան: Ըստ նրա, եթե կողմերը կարողանան պայմանավորվել նման հավասարակշռված փոխշահավետ պայմաններով, ապա նախագահները բանակցությունները շարունակելու մանդատ կտան: Ավելի վաղ ՀՀ էկոնոմիկայի նախարար Արծվիկ Մինասյանը հայտարարել էր, որ հիմար արդեն նախկին վարչապետ Հովիկ Աբրահամյանը Եվրասիական միջկառավարական խորհրդի հերթական նիստին ձեռք է բերել պայմանավորվածություն Իրանի հետ ազատ առևտրային գոտու ստեղծման շուրջ: Արծվիկ Մինասյանն ասել է, որ գոտու ստեղծման ժամկետը կդժվարանա նշել, սակայն այժմ ցանկություն կա առավելագույն ազատություն հաղորդել, որովհետև այս գոտին լինելու է արտադրության կազմակերպման և բարձրարժեք ծառայությունների մատուցման համար: Անդրադառնալով այն հարցին,թե Հայաստանը կունենա՞ հնարավորություն Ռուսաստանից անկախ ազատ առևտրային գոտի ունենալ Իրանի հետ` Արծվիկ Մինասյանն ասել է, որ այդ կարգավիճակն ի սկզբանե Հայաստանի համար համարվում է տրված, հավելյալ նոր փաստաթղթի ստորագրում Իրանի և ԵՏՄ-ի միջև չի նախատեսվում այս առումով, և դրա կարիքն էլ չկա:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններինՄայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |
