«Ամառային ճամբար» ծրագիրն իրականացվել է 7-րդ անգամ՝ սոցիալապես անապահով երեխաների համար26 սեպտեմբերի 2016 - 12:48 AMT PanARMENIAN.Net - «Թեքեյան կենտրոն» հիմնադրամը կրկին հնարավորություն է ընձեռել թեքեյանցի աշակերտներին իրենց ամառային հանգիստն անցկացնել Հանքավանի «Արագած» մանկական ճամբարում: Ծրագիրը, որն արդեն յոթերորդ տարին է իրականացվում, բազմաբնույթ միջոցառումների շնորհիվ նպաստում է մեր երկրի տարբեր անկյուններում բնակվող երեխաների մերձեցմանը, նրանց մտավոր, ֆիզիկական, անհատական զարգացմանը: 2016-ին ևս ծրագրի շահառուներն էին մասնավորապես գերազանց առաջադիմություն ունեցող և սոցիալապես անապահով աշակերտներ Հայաստանի եւ Արցախի Վ. Թեքեյանի անվան հինգ դպրոցներից: Ճամբարը հյուրընկալել է և համախմբել Երևանից, Գյումրիից, Ստեփանավանից, Կարբիից և Բերձորից ժամանած թվով 75 թեքեյանցու, որոնք «Արագածում» ապրեցին ճամբարային կյանքի հետաքրքիր ռեժիմով` առավոտյան շեփորի կանչ, լիցքային վարժություններ, տողաններ ու շքերթներ: Թեքեյանցի մանկավարժների և ճամբարի ջոկատավարների համատեղ աշխատանքի շնորհիվ երեխաների առօրյան հագեցած էր ինտելեկտուալ, մարզական, մշակութային միջոցառումներով: Երեխաները մասնակցել են գիտակների մրցույթին, դաստիարակչական տարբեր թեմաներով զրույց-բանավեճերին, սպորտային խաղերին, գիշերային և ցերեկային արշավներին, սովորեցին ժողովրդական երգեր ու պարեր: Մրցութային միջոցառումների լավագույն մասնակիցները պարգևատրվել են գավաթներով ու շնորհակալագրերով: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ամառային զոչակոչը կմեկնարկի ապրիլի 29–ից Կզորակոչվեն նաև մինչև 2024–ի մարտի 1-ը կամավոր հիմունքներով ծառայություն անցնելու դիմում ներկայացրած իգական սեռի անձինք Չիլիում ապրիլի 24-ը հայտարարվել է Հայոց ցեղասպանության զոհերի հիշատակի ազգային օր Պատգամավորների պալատը հավանություն է տվել Քաղաքացիները փակել են Երևան–Գյումրի ճանապարհը․ Փակ են նաև դեպի Սևան և Իրան տանող մայրուղիները Հայաստան-Իրան միջպետական ճանապարհը փակ է Տիգրանաշենի հատվածում |