ՀՀ կառավարության կառուցվածքի փոփոխության օրինագիծն ընդունվել է 1-ին ընթերցմամբ

ՀՀ կառավարության կառուցվածքի փոփոխության օրինագիծն ընդունվել է 1-ին ընթերցմամբ

PanARMENIAN.Net - Ազգային ժողովի սեպտեմբերի 27-ի արտահերթ նիստում քվեարկության է դրվել «Հայաստանի Հանրապետության կառավարության կառուցվածքի մասին» ՀՀ օրենքում փոփոխություն կատարելու մասին նախագիծն առաջին ընթերցմամբ:

Օրինագիծն ընդունվել է 2 դեմ, 77 կողմ և 9 ձեռնպահ ձայնով, հայտնում է Tert.am-ը:

Մինչ քվեարկությունը «Հայ ազգային կոնգրես» խմբակցության պատգամավոր Հրանտ Բագրատյանը հիշեցրել է, որ սեպտեմբերի 26-ին ինքը և այլ պատգամավորներ մի քանի դիտողություններով ու առաջարկներով հանդես են եկել և հարցրել, թե դրանք ընդունվելու են, թե ոչ:

ԱԺ նախագահ Գալուստ Սահակյանը պատասխանել է, որ սա դեռ առաջին ընթերցումն է, դրան կանդրադառնան երկրորդ ընթերցմամբ։

Նախագծով առաջարկվում է Էկոնոմիկայի նախարարությունը վերանվանել Տնտեսական զարգացման և ներդրումների նախարարություն, Տրանսպորտի և կապի նախարարությունը՝ Տրանսպորտի, կապի և տեղեկատվական տեխնոլոգիաների նախարարություն, Էներգետիկայի և բնական պաշարների նախարարությունը՝ Էներգետիկ ենթակառուցվածքների և բնական պաշարների նախարարություն և վերացնել Քաղաքաշինության նախարարությունը:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---