Մոնիտորինգ. Պատգամավորների կեսից ավելին օրենսդրական քննարկումների ժամանակ ելույթ չեն ունենում30 սեպտեմբերի 2016 - 15:36 AMT PanARMENIAN.Net - Հանրային մեծ նշանակության օրենքների վրա աշխատելու համար պատգամավորներն ամենաքիչ ժամանակն են ծախսել։ Բացի այդ՝ ընդունված 112 օրենքից 2/3-ը կամ 74-ն ընդունվել է արտահերթ նստաշրջանների ընթացքում։ Այս մասին հայտնել է ԱԺ օրենսդրական գործունեության մոնիթորինգ ծրագրի ղեկավար Լուսինե Վասիլյանը: «Ամենակարևոր օրենսդրական ակտերը, ամենակարևոր օրենքները՝ Ընտրական օրենսգիրք, ՀՕՊ համաձայնագիր, Կառավարության կառուցվածքի մասին օրենք՝ բոլորն ընդունվել են առաջին ընթերցմամբ», - ասել է նա, գրում է Ա1+-ը։ Ըստ ուսումնասիրության՝ որևէ բարելավում չկա, ընդհակառակը՝ վատացել է պատգամավորների նախաձեռնողականության մակարդակը. սկսել են ավելի քիչ մտածել օրենքներ գրելու մասին: «Ամենացածր ցուցանիշներից մեկն է արձանագրվել 9-րդ նստաշրջանի ընթացքում. 95%-ը Կառավարության և միայն 5%-ը պատգամավորների նախաձեռնությամբ է օրենք ընդունվել։ Նախորդ խորհրդարանում այդ ցուցանիշը եղել է 7%։ 112 օրենքից միայն 5-ի հեղինակն է Ազգային ժողովը», - տեղեկացրել է Վասիլյանը։ Նրա խոսքով, պատգամավորների կեսից ավելին ընդհանրապես օրենսդրական քննարկումների ժամանակ հարցեր ու ելույթներ չի ունենում։ 131 պատգամավորից 71-ը ընդհանրապես մեկուսացած է, որևէ կապ չունի օրենսդրական գործունեության հետ»։ Այդ պատգամավորների մեծ մասը ՀՀԿ-ից ու ԲՀԿ-ից են։ ԱԺ մոնիտորինգ ծրագրի ղեկավարը մանրամասնել է. «ՀՀԿ-ում 69 պատգամավորից հարց չի տվել ու ելույթ չի ունեցել 53-ը, ԲՀԿ-ում 33-ից՝ 24-ը»։ Համաձայն նույն ուսումնասիրության տվյալների՝ ամենից շատ կողմ քվեարկել է իշխող Հանրապետական կուսակցությունը՝ 90% արդյունք բոլոր քվեարկություններից։ Ամենից շատ դեմ է քվեարկել «Ժառանգություն» կուսակցությունը, ավելի հաճախ չեն կողմնորոշվել, ձեռնպահ են քվեարկել ՕԵԿ-ի պատգամավորները։ Իսկ ահա «Բարգավաճ Հայաստան» կուսակցությունը ամենից շատ չքվեարկած ու բացակայած պատգամավորներ ունեցող խմբակցությունն է։ 2014թ.-ին ստուգվում էր աշնանային նստաշրջանում պատգամավորների հաճախելիությունը։ Պատգամավորները իրենց բացակայությունների համար հիմնավորումներ պետք է ներկայացնեին խորհրդարանի աշխատակազմին։ Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |