Հալեպում հինգ հայ է զոհվել. Վիրավորներ կան

Հալեպում հինգ հայ է զոհվել. Վիրավորներ կան

PanARMENIAN.Net - Հալեպում սեպտեմբերի 30-ի առավոտյան տեղի ունեցած ուժգին հրթիռակոծության հետևանքով զոհվել է հինգ հայ, ութը վիրավորվել են, հայտնում է «Հայերն այսօր»-ը:

Հրթիռակոծությունը տեղի է ունեցել Հալեպի Նոր Գյուղի և Վիլլաներ թաղամասերում:

Վիլլաներ թաղամասում հրթիռակոծության հետևանքով զոհվել են հայազգի քույր և եղբայր Արման և Մարի Հինտոյանները, Ծիլա Ճապաղջուրյանը, Հասմիկ Կիրակոսեան-Պերեճիքլյանը. նրանց կյանքը բժիշկները չեն կարողացել փրկել, տեղեկացնում է Հալեպի «Գանձասար» թերթը։

Ծանր վիրավորվել են Գառնիկ Կարապետյանը, Միրեյ Հինտոյանը, Ծովիկ Գապիքյանը: Թեթև վիրավորվել են Պեթի Լախոյան-Հինտոյանը, Մովսես Հինտոյանը, Նազար Զարմինյանը և Մարի Կարապետյանը:

Սեպտեմբերի 28-ին Հալեպի Սուլեյմանիե շրջանի հրթիռակոծման հետևանքով զոհվել է հայազգի Սևան Հատատը(1969թ.):

Հունիսի 4-ին զինյալ ահաբեկչական խմբավորումները Հալեպի Սուլեյմանիե թաղամասի ուղղությամբ հրթիռ են արձակել: Զոհվել է 1980-ին ծնված Բեթի Ներսեսյանը:

Հունիսի 5-ին Հալեպի Նոր Գյուղ շրջանը կրկին թիրախ է դարձել ահաբեկիչների համար: Հրթիռակոծության հետևանքով վիրավորվել են 34-ամյա Քաթրին Խաչոյանը:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---