Արևային ջրատաքացուցիչ՝ Լոռու մարզի «Գուգարք» ճամբարին 2 հոկտեմբերի 2016 - 15:36 AMT PanARMENIAN.Net - Վայրի բնության և մշակութային արժեքների պահպանման հիմնադրամը (FPWC) և ՎիվաՍել-ՄՏՍ-ն ամփոփել են «Այլընտրանքային էներգիա» նախագծի շրջանակում համատեղ իրականացրած հերթական ծրագրի արդյունքները: Լոռու մարզի «Գուգարք» մանկապատանեկան ճամբարում տեղադրվել է արևային ջրատաքացուցիչ։ Համակարգի գործարկմանը ներկա են եղել ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, FPWC-ի հիմնադիր Ռուբեն Խաչատրյանը, «Գուգարք» ճամբարի փոխտնօրեն Գևորգ Խանամիրյանը։ «Անհրաժեշտ է երեխաներին և երիտասարդներին ծանոթացնել շրջակա միջավայրի պահպանմանն ուղղված տեխնոլոգիաներին, դրանց կիրառման կարևորությանը և օգտավետությանը: Բնության հանդեպ հոգատարություն սերմանելուց բացի, դա կհուշի նրանց, որ ցանկացած ոլորտում խնդիրների լուծման համար պետք է առավել պատասխանատու, նորարար և այլընտրանքային ուղիներ փնտրել` ելնելով ոչ միայն սեփական շահից, այլև` հոգ տանելով շրջապատի բարօրության մասին»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, հայտնում է ընկերության մամուլի ծառայությունը: : Համակարգի գործարկումը ճամբարի խոհանոցում տաք ջրամատակարարում կապահովի ողջ տարվա ընթացքում՝ բացառապես արևային ջրատաքացուցիչի միջոցով: Հայաստանում առաջին անգամ օգտագործվել է արևային ջրատաքացուցիչ՝ 100մմ տրամագծով վակումային խողովակներով, որոնք առավել արդյունավետ են, և, զբաղեցնելով ավելի փոքր տարածք՝ ավելի շատ ջերմային էներգիա են տալիս։ Արևային ջրատաքացուցիչն ունի 2 կոլեկտոր, յուրաքանչյուրը՝ վակուումային 12 խողովակով (ընդհանուր՝ 24 հատ), ինչն ապահովում է 70-80 C ջերմաստիճանի 200լ տաք ջուր։ Եղանակային պայմաններից կախված՝ համակարգը 85-100%-ով կրճատում է տաք ջրի համար նախկինում ծախսվող միջոցները: «Գուգարք» մանկապատանեկան ճամբար տարեկան հաճախում է ավելի քան 1000 սան։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում |