Սահմանները պաշտպանելիս զոհված եզդի հերոսներին նվիրված գիրք է լույս տեսել 7 հոկտեմբերի 2016 - 15:52 AMT PanARMENIAN.Net - Հոկտեմբերի 7-ին տեղի է ունեցել «Սահմանին կանգնած եզդի հերոսը» ծրագրի շրջանակներում տպագրված համանուն գրքի շնորհանդեսը։ Ծրագիրը կյանքի է կոչել «Սինջար եզդիների ազգային միավորում» հասարակական կազմակերպությունը՝ ՀՀ նախագահի աշխատակազմի կողմից հատկացվող դրամաշնորհի և ՀԵՀ-ի հայտարարած մրցույթի շրջանակներում։ «Սահմանին կանգնած եզդի հերոսը» գիրքը երկլեզու է՝ հայերեն և եզդիերեն։ Հեղինակներն են Բորիս Մուրազին և Զեմֆիրա Քալաշյանը։ Բորիս Մուրազին տեղեկացրել է, որ գրքում անդրադարձել են հայոց սահմանները պաշտպանելիս զոհված եզդի տղաներին՝ Սիդար Ալոյանին, Քյարամ Սլոյանին, Համլետ Հաջոյանին, Բորիս Օզմանյանին։ Նրանցից վերջին երեքը զոհվել են 2016թ. ապրիլյան քառօրյա պատերազմի ժամանակ, Սիդար Ալոյանը՝ մի քանի ամիս ավելի շուտ։ Հեղինակը նշել է, որ գրքի էջերում ներկայացված է զոհված տղաների կյանքը, բացահայտվում են նրանց կերպարները, նրանց ապագա ծրագրերը։ «Քառօրյա պատերազմի ընթացքում ունեցանք մոտ 100 զոհ, բայց մենք շատ դեպքերում չգիտենք, թե այդ անունների ներքո ովքեր են։ Մենք փորձել ենք հենց այդ փակագծերը բացել, տեսնել, թե ինչ քաղաքացիների կորցրեց Հայաստանը։ Մասնավորապես, Սիդար Ալոյանը հնարավորություն ուներ կրթություն ստանալ Գերմանիայում, բայց հրաժարվել էր այդ կրթությունից և գնացել բանակ։ Ես, նրանց կյանքն ուսումնասիրելով, վստահորեն կարող եմ ասել, որ ծառայությունից հետո շատ օգտակար էին լինելու Հայաստանի Հանրապետության համար որպես քաղաքացիներ»,- ասել է Բորիս Մուրազին՝ ավելացնելով, որ ծրագրի շրջանակներում նախատեսում են մի շարք միջոցառումներ, որոնց ընթացքում ներկայացվելու է գիրքը, այն բաժանվելու է կրթօջախներում, տարբեր համայնքներում՝ և՜ հայկական, և՜ եզդիական։ Հատկանշական է, որ գիրքն ուղարկվելու է նաև տարբեր երկրների եզդիական համայնքներին։ Ծրագրի ղեկավար Համլետ Սմոյանն ընդգծել է, որ այս նախաձեռնությամբ ցույց է տրվում, որ Հայաստանում ապրող ազգային փոքրամասնություններն իրենց պարտքն են համարում ծառայել հայոց բանակում և պաշտպանել երկրի սահմանները։ Միջոցառմանը ներկա էր Սիդար Ալոյանի եղբայրը՝ Ռաշիդ Ալոյանը։ Նա ասել է, որ Սիդարն ուներ շատ-շատ ծրագրեր, հատկապես սպորտի հետ կապված, ընդամենը մի քննություն էր մնացել, որպեսզի սև գոտի ստանար։ Սպորտդպրոց բացելու ցանկություն ուներ։ Ռաշիդը վստահեցրել է, որ երեք եղբայրներով ամեն ինչ անելու են՝ Սիդարի կիսատ թողած գործն ավարտին հասցնելու համար։ ՀՀ նախագահի աշխատակազմի կողմից հատկացվող դրամաշնորհային ծրագրի «Մերօրյա հերոսներ» անվանակարգի համակարգող Գայանե Մանուկյանի խոսքով՝ Սիդար Ալոյանի, Քյարամ Սլոյանի, Համլետ Հաջոյանի, Բորիս Օզմանյանի օրինակով մենք հասկացանք, որ հերոսը մեր կողքին ապրող երիտասարդն է։ «Մերօրա հերոսների փառաբանումը» մեր կողմից հայտարարվող միակ անփոփոխ անվանակարգն է, որի շրջանակում իրականացվող ծրագրերի նպատակն է արժևորել հասարակության շրջանում զինվորի կերպարը՝ որպես երիտասարդ հերոսի մարմնացում… Մենք պետք է պահպանենք նրանց հիշատակը։ Նրանց թափած արյունը պետք է ուժեղացնի մեզ, երբ տեսնում ես, որ կողքիդ ապրող երիատասարդն ընդունակ է հերոսության, հերոսությունը դառնում է առարկայական: Մենք դաստիարակում ենք անկախության սերունդ, որի անկյունաքարն այսօրվա հերոսի կերպարն է: Սա մեր խոնարհումն է մեր եղբայր ժողովրդին՝ հայոց պետականության, մեր Հայրենիքի սահմանների պաշտպանության համար հայերի և եզդիների հերոս զավակների թափած արյան համար»,- ասել է Գայանե Մանուկյանը: Միջոցառման ընթացքում ներկայացվեցվել են նաև ծրագրի շրջանակներում պատրաստված՝ զոհված եզդի տղաների մասին պատմող տեսանյութեր, որոնք կարելի է դիտել հետևյալ հղումներով. https://www.youtube.com/watch?v=mLxdkQ2QXlM&feature=youtu.be https://www.youtube.com/watch?v=n19UEbjAJ8o&feature=youtu.be   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Էրդողանը՝ ՀՀ–ին․ Հնարավորության դռները հավերժ չեն կարող բաց մնալ, նոր ճանապարհային քարտեզի ժամանակն է  «Տարածաշրջանում արդեն նոր կարգ է ստեղծվում, անհիմն անգիրները մի անկյունում թողնելու ժամանակն է»,–ասել է նաՊապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանըՖրանսահայ լրագրողի մուտքը ՀՀ արգելվել է․ Նա «Զվարթնոց» օդանավակայանում հացադուլ է հայտարարել «Ես Հայաստանից գնացոը չեմ, հենց այստեղ, անձնագրային բաժնում, հայտարարում եմ հացադուլ»,–ասել է նա տեսաուղերձումԱլիև․ Մոսկվան ու Բաքուն ևս մեկ մեծ նախագիծ են սկսում Հյուսիս-Հարավի շրջանակում Նա նշել է, որ Ադրբեջանի տարածքում կա երկաթգիծ, որը կապում է ադրբեջանա-ռուսական սահմանը Ադրբեջանի և Իրանի սահմանի հետ |
