Ինչ անել weekend-ին. Ներկայացումներ, մասսայական մարզումներ և ֆիլմեր21 հոկտեմբերի 2016 - 16:03 AMT PanARMENIAN.Net - Հոկտեմբերյան «ամառը» ավարտվեց նույնքան անսպասելի, որքան սկսվել էր, և նրան փոխարինելու եկավ հոկտեմբերյան «ձմեռը»: Եվ եթե առաջինը հաճելի անակնկալներ էր հայաստանցիների համար, ապա երկրորդի մասին նույնն ասելը դժվար է. ցուրտ, անանցանելի ճանապարհներ, մի շարք շրջաններում ձյուն և սառույց: Բայց դա պատճառ չէ ընկճվելու: PanARMENIAN.Net ը հավաքել է մի քանի տարբերակ տաք տեղերում ցրտից պատսպարվելու և հետաքրքիր ժամանակ անցկացնելու համար: Կյանքը թատրոն է
Հոկտեմբերի 22-ին «Մհեր Մկրտչյան» արտիստական թատրոնում տեղի կունենա «220 վոլտ» ներկայացման պրեմիերան: Պիեսի հեղինակն է Մհեր Մկրտչյանը, բեմադրող ռեժիսյորը՝ Արսեն Գրիգորյանը: Ներկայացման սկիզբը՝ ժամը 19:00, տևողությունը՝ 1.5 ժամ: Հոկտեմբերի 23-ին «Մհեր Մկրտչյան» արտիստական թատրոնում տեղի կունենա Ռիչարդ Կալինոսկու «Հրեշը լուսնի վրա» դրամայի պրեմիերան: Ներկայացման բեմադրող ռեժիսյորն է Գրիգոր Խաչատրյանը, բեմադրող նկարիչը՝ Վիկտորիա Ռիեդոն: Ներկայացման սկիզբը՝ ժամը 19:00, տևողությունը՝ 1.5 ժամ: Տոմսերը կարելի է ձեռք բերել թատրոնի տոմսարկղից: Հոկտեմբերի 22-ին «Գոյ» թատրոնում տեղի կունենա Աղասի Այվազյանի «Դեկորներ» ներկայացման ցուցադրությունը: Ներկայացման սկիզբը՝ ժամը 20:00, տևողությունը՝ 1.5 ժամ: Տոմսերի արժեքը 1000 դրամ է, կարելի է ձեռք բերել թատրոնի տոմսարկղից: Քաղաքը ջազ է լսում
Երևանի ժամանցի վայրերում նկատվում է նոր տենդենց. ավելի հաճախ են դարձել ջազի երեկոները: Այս weekend ևս մայրաքաղաքում կարելի է ջազ լսել: Mezzo Classic House Club-ում հոկտեմբերի 22-ին ելույթ կունենա Սրբուկը (Սրբուհի Սարգսյան): Երեկոյի սկիզբը՝ ժամը 21:30-ին, միջոցառումը կշարունակվի մինչև գիշերվա ժամը 1-ը: Հոկտեմբերի 22-ին Process փաբում հադես կգա New Quintet բենդը՝ մենակատար Աղվան Պապոյանի գլխավորությամբ: Միջոցառման սկիզբը՝ ժամը 21:30-ին, տոմսի արժեքը 1000 դրամ է: Հոկտեմբերի 23-ին Stop Club-ում ջազային օր է սպասվում: Երեկոյի հատուկ հյուրն է Վահագն Հայրապետյան Ջազ Տրիոն: Միջոցառումը կսկսվի ժամը 21:00-ին և կշարունակվի մինչ կեսգիշեր, տոմսերի արժեքը՝ 2000-3000 դրամ: Club 12-ում հոկտեմբերի 23-ին կարող եք կտրվել ջազից և ունկնդրել հայկական և ֆրանսիական շանսոն, ինչպես նաև արգենտինյան տանգո Sonet Quintet բենդի կատարմամբ: Առողջ մարմնում՝ առողջ հոգի
Առաջնորդվելով «կյանքը` սպորտի ռիթմով» սկզբունքով՝ ՀՀ Սպորտի և երիտասարդության հարցերի նախարարությունը հոկտեմբերի 22-ին Կ. Դեմիրճյանի անվան մարզահամերգային համալիրի հարակից տարածքում կազմակերպում է առավոտյան մարզումներ: Մարզումները կանցկացնեն Հայաստանի ֆիթնեսի լավագույն մարզիչներից մի քանիսը: Մասսայական մարզումների միջոցով նախարարությունը նպատակ է հետապնդում խթանել առողջ ապրելակերպը՝ այն դարձնելով կենսակերպի անբաժան մաս: Մարզումները կսկսվեն առավոտյան ժամը 11:00-ից և կշարունակվեն մինչև 13:00: Մարզումները ներառելու են 6 մարզատեսակ. warm-up, breakletics, cross-fit, tabata, stretching, trx: Կինոսերների համար
Աշունը լավ եղանակ է կինո դիտելու համար: Իսկ այս ցուրտ weekend-ն էլ ավելի է տրամադրում կինոդիտումների: Առաջարկում ենք այցելել «Սինեմա Սթար» և «ԿինոՊարկ» կինոթատրոններ, որտեղ ցուցադրվում են հետևյալ ֆիլմերն ու մուլտֆիլմերը. «Ինֆեռնո» (Inferno), «Ջեք Ռիչեր: Երբեք մի վերադարձիր» (Jack Reacher: Never Go Back), «Միսս Պերեգրինի տարօրինակ երեխաների տունը» (Miss Peregrine's Home for Peculiar Children), «Արագիլները» (Storks), «Սառցահատ» (Ледокол), «Կուբո: Սամուրայի լեգենդը» (Kubo and the Two Strings), «18+ Դե Տժժա» (18+ Party Up!), «Կյանք ու կռիվ» (The Line): Շոփինգ
Ամառային զեղչերն ավարտվել են, սակայն շոփինգի սիրահարները դեռևս հնարավորություն ունեն օգտվել Dalma Garden Mall և Yerevan Mall առևտրի կենտրոններում գործող որոշ խանութ-սրահների զեղչերից: Իսկ հոկտեմբերի 21-ին Dalma Garden Mall–ի 4-րդ տարեդարձի կապակցությամբ առևտրի կենտրոնի այցելուներին ժամը 18:00-ից սկսած սպասվում է համերգային ծրագիր, ինչպես նաև քաղցրեղենի հյուրասիրություն, անվճար դիմահարդարում, մի շարք միջոցառումներ և անակնկալներ: Հետևյալ խանութ սրահներում կգործեն հատուկ զեղչեր մինչև 50%. Armani Exchange, Bata, Gerry Weber, Ice Watch, Zoppini, Eiffel, Inori, Nshanyan, Kargin Optics, Mango, Levi’s, Celio, Van Cliff, Flormar, Primigi, Next Kids, Mommy, Violet, Vollmond, Majorica, Sali, Steve Madden: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Ադրբեջանը մտադիր չէ ԵԱՏՄ անդամ դառնալ Նա հավելել է, սակայն, որ դա չի նշանակաում, որ դա չի կարող քննարկման առարկա դառնալ ապագայում Տավուշ-Ղազախ հատվածում տեղադրվել է առաջին սահմանային սյունը․ Փաշինյանը լուսանկար է հրապարակել Երկու երկրների փորձագիտական խմբերի աշխատանքները շարունակվում են Ալիև․ Բաքուն համաձայն է, որ Ադրբեջանի և ՀՀ ԱԳ նախարարների հանդիպումը կայան Ղազախստանում Հանդիպումը տեղի կունենա, եթե Հայաստանը ևս տա իր համաձայնությունը ՀՅԴ բյուրո․ ՀՀ իշխանության ներկայացուցիչներն անթաքույց սկսել են առաջ մղել թուրքական ժխտողական մոտեցումները Նշվում է, որ վարչապետը Ցեղասպանությունը բնութագրում է որպես Մեծ եղեռն՝ փաստացի հրաժարվելով այն իրավաքաղաքական գնահատականից |