Պենտագոնը հայտարարել է Սիրիայում և Իրաքում Թուրքիայի գործողություններին սատարելու մասին21 հոկտեմբերի 2016 - 16:53 AMT PanARMENIAN.Net - ԱՄՆ-ն կողմ է Թուրքիայի մասնակցությանն ահաբեկչական «Իսլամական պետության» գրոհայինների դեմ գործողություններին: Այդ մասին հայտարարել է ԱՄՆ պաշտպանության նախարար Էշթոն Քարթերը, որն այցով գտնվում է Անկարայում, հայտնում է ՌԻԱ Նովոստին: Ավելի վաղ Պենտագոնի ղեկավարը բանակցություններ է վարել Թուրքիայի պաշտպանության նախարար Ֆիքրի Իշիկի և վարչապետ Բինալի Յիլդիրիմի հետ: Կողմերը մի շարք հարցեր են քննարկել տարածաշրջանային անվտանգության ոլորտում: Հանդիպումներն անցել են մամուլի համար փակ ռեժիմով: «Միանգամայն նորմալ է, որ Թուրքիան հետաքրքրվում է իրադարձություններով Սիրիայում և Իրաքում: Մենք սատարում ենք իր սահմանների պաշտպանությանն ուղղված Թուրքիայի քայլերին և այդ երկրի մասնակցությանն ԻՊ ահաբեկիչների դեմ գործողություններին»,-հայտարարել է Պենտագոնի ղեկավարը Anadolu գործակալությանը: Ըստ Թուրքիայի պաշտպանության նախարարի, Անկարան գիտակցում է, որ ԱՄՆ-ն կողմնակից է, որ «Եփրատի վահանը» գործողության դրական արդյունքը տարածվի նաև Ռաքքայի վրա, որը համարվում է ԻՊ մայրաքաղաքը: «Ակնկալում ենք, որ ինչպես խոստացվել էր Թուրքիային, ՔԱԿ և սիրիացի քրդերի ինքնապաշտպանական ուժերը կհեռանան սիրիական Մանբիջ քաղաքից դեպի Եփրատի արևելյան ափը: Չի կարելի վստահել ահաբեկիչների խոստումներին և կանխագուշակել, թե ինչպես նրանք կվարվեն հետագայում»,-ասել է Իշիկը: Ավելի վաղ հայտնի դարձավ, որ Անկարան մտադիր է «Եփրատի վահան» գործողության շրջանակում 45 կմ խորությամբ անվտանգության գոտի ստեղծել Սիրիայի հյուսիսում: Այդ մասին հայտարարել է Թուրքիայի պաշտպանության նախարար Ֆիքրի Իշիկը: Թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակներում: Ավելի վաղ հայտնի դարձավ, որ սիրիացի քրդերի ինքնապաշտպանական ջոկատների մարտիկները 7 գյուղ են գրավել Սիրիայի հյուսիսում գտնվող Ջարաբլուս քաղաքի մատույցներում` չնայած Անկարայի այդ շրջանից հեռանալու պահանջին: Թուրքական զինուժը պահանջել էր քրդերի ինքնապաշտպանական ուժերից հեռանալ այդ շրջանից «Եփրատի վահանը» գործողության մեկնարկից առաջ: Քրդերն ի պատասխան հայտարարել էին, որ ո՛չ ԱՄՆ-ն, ո՛չ էլ Թուրքիան չեն կարող պնդել, որ YPG-ն հետ քաշվի Եփրատի արևմտյան ափից: Ուշագրավ Այցն աշխատանքային է Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Ամենաընթերցվողը բաժնում | Կիրակոսյանը՝ Հաագայի դատարանում. ԼՂ բազմաթիվ գյուղեր ու քաղաքներ պարզապես անհետացան Նա նաև փաստարկներ է ներկայացրել, թե ինչու ՀՀ-ն չի կարող մեղադրվել Ադրբեջանի դեմ ռասայական խտրականության մեջ ԿԸՀ նախագահ․ 2026–ի հունիսին ԱԺ ընտրություններ կլինեն՝ հուսով եմ, մինչ այդ համակարգն ավելի պատրասված կլինի Նա ԿԸՀ աշխատանքի ամենակարևոր գնահատանքը համարել է այն, որ Երևանի ավագանու ընտրություններում ոչ մի բողոքարկում չի եղել Կլաարը Երևանում է․ Ռուբինյանի հետ քննարկել է տարածաշրջանային իրավիճակին վերաբերող հարցեր Հանդիպմանը ներկա է եղել Վասիլիս Մարագոսը Փոխվարչապետի գրասենյակ․ Ոսկեպարի եկեղեցին մնալու է ՀՀ տարածքում Տավուշցիներն իրենց բողոքի ակցիան շարունակել են Ոսկեպարի եկեղեցու մոտ, որտեղ, ըստ նրանց, ականազերծում են անում, քանի որ անցնելու է Ադրբեջանին |