ԱԻՆ ղեկավար. Հայաստանին 5.000 հակակարկտային կայան է պետք31 հոկտեմբերի 2016 - 17:21 AMT PanARMENIAN.Net - Հայաստանը 5.000 հակակարկտային կայանի կարիք ունի: Այդ մասին հոկտեմբերի 31-ին ասել է ՀՀ արտակարգ իրավիճակների նախարար Արմեն Երիցյանը խորհրդարանական հանձնաժողովներում 2017-ի բյուջեի քննարկման շրջանակում: «Այժմ Հայաստանում 496 նման կայան կա, որոնք ծածկում են ՀՀ տարածքի 8,9%-ը: Անբավարար է նաև ռադիոլոկացիոն կայանների քանակը, որոնք ընդամենը երկուսն են»,-ասել է Երիցյանը: Ըստ նրա, Ռուսաստանն առաջիկայում երկու ռադիոլոկացիոն կայան կնվիրի Հայաստանին, որոնցից յուրաքանչյուրի արժեքը $1,5 մլն է: Մինչդեռ, որոշ փորձագետներ կարծում են, որ հակակարկտային կայաններն արդյունավետ չեն` առաջարկելով փոխարենն օգտագործել հակակարկտային ցանցեր: Ամեն տարի ՀՀ տնտեսությունը մեծ վնասներ է կրում բերքի կորուստից: Երիցյանը նշել է նաև, որ ՀՀ ԱԻՆ-ին $36 մլն է պետք հատուկ տեխնիկա գնելու համար, հայտնում է ԱՌԿԱ գործակալությունը: «Հայաստանում 190 բարձրադիր լեռնային համայնք կա, դեպի ուր տանող ճանապարհները վատ եղանակի դեպքում կարող են փակ մնալ 10-15 օր: Այդ պայմաններում օգնության կարիք ունեցող մարդկանց ձեռքերի վրա են տարհանում»,-ասել է Երիցյանը` նշելով, որ միջոցների մի մասը կհատկացվի համապատասխան տեխնիկա գնելու համար: 2017-ի բյուջեի նախագծով ԱԻՆ-ին 11,2 մլրդ դրամ կհատկացվի, որից 10 մլրդ կուղղվի աշխատավարձերի վճարմանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ամառային զոչակոչը կմեկնարկի ապրիլի 29–ից Կզորակոչվեն նաև մինչև 2024–ի մարտի 1-ը կամավոր հիմունքներով ծառայություն անցնելու դիմում ներկայացրած իգական սեռի անձինք Չիլիում ապրիլի 24-ը հայտարարվել է Հայոց ցեղասպանության զոհերի հիշատակի ազգային օր Պատգամավորների պալատը հավանություն է տվել Քաղաքացիները փակել են Երևան–Գյումրի ճանապարհը․ Փակ են նաև դեպի Սևան և Իրան տանող մայրուղիները Հայաստան-Իրան միջպետական ճանապարհը փակ է Տիգրանաշենի հատվածում Թավրիզում ՀՀ հյուպատոսություն կբացվի Նշվում է, որ ՀՀ–ն քայլեր է ձեռնարկելու Իրանի հետ առանձնահատուկ հարաբերությունների հետագա զարգացումն ապահովելու ուղղությամբ |