Սիրիական ընդդիմության ուժերը վերահսկողություն են հաստատել 7 բնակավայրում14 նոյեմբերի 2016 - 15:35 AMT PanARMENIAN.Net - Ընդդիմադիր «Սիրիայի ազատ բանակը» Թուրքիայի ԶՈւ աջակցությամբ «Իսլամական պետության» գրոհայիններից 7 բնակավայր է ազատագրել Սիրիայի հյուսիսում «Եփրատի վահանը» գործողության շրջանակում: Այդ մասին նոյեմբերի 14-ին հայտնել է Թուրքիայի ԶՈւ գլխավոր շտաբը, հայտնում է ՌԻԱ Նովոստին: «Սիրիական ընդդիմության ուժերը վերահսկողություն են հաստատել 7 բնակավայրում Մարի և Ալ Ռաի քաղաքների շրջանում: Թուրքիայի ԶՈւ-ն ԻՊ 35 թիրախ է ոչնչացրել, ինչպես նաև գրոհել է քրդերի ինքնապաշտպանական դիրքերը` 10 քուրդ գրոհային սպանելով: Ոչնչացվել են քրդական ինքնապաշտպանական ուժերի պաշտպանական դիրքերը, հրամանատարական կետերը, զինամթերքի պահեստները: Զոհվել է սիրիական ընդդիմության 9 անդամ, վիրավորվել է 52-ը, վիրավորվել է նաև 4 թուրք զինծառայող»,-ասվում է Թուրքիայի ԶՈւ գլխավոր շտաբի հաղորդագրության մեջ: «Եփրատի վահանը» գործողության մեկնարկից ի վեր սիրիական ընդդիմությանը հաջողվել է 202 բնակավայր վերահսկողության տակ առնել Սիրիայի հյուսիսում, իսկ վերահսկվող տարածքը հասնում է 1620 քկմ: Անկարան մտադիր է «Եփրատի վահան» գործողության շրջանակում 45 կմ խորությամբ անվտանգության գոտի ստեղծել Սիրիայի հյուսիսում: Այդ մասին հայտարարել է Թուրքիայի պաշտպանության նախարար Ֆիքրի Իշիկը: Թուրքիան արագացնում է Հալեպի հյուսիսում իր այսպես կոչված հակաահաբեկչական «Եփրատի վահանը» գործողությունը` նպատակ ունենալով ամրագրել «Սիրիայի տարածքի մի մասի օկուպացիան»: Ինչպես հայտնել է լիբանանյան As Safir թերթը, Անկարան «մտադիր է կրկնել Սիրիայում այն սցենարը, որն իրագործել է Իրաքում, որտեղ նրան հաջողվեց «ռազմական ճամբար ստեղծել Բաշիկայում»: Սիրիայի հյուսիսում թուրքական զորքերը մշտական առճակատման մեջ են քուրդ կամավորականների հետ` համարելով, որ նրանք կապ ունեն Թուրքիայում գործող Քրդստանի աշխատավորական կուսակցուըթյան հետ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ալիևը կրկին Զանգեզուրի միջանցք է պահանջում․ ՀՀ–ն չի կարող հրաժարվել եռակողմ հայտարարության այդ դրույթից «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա ԱՄՆ Սենատի փորձագետն ու ԱՄՆ դեսպանն այցելել են Ծիծեռնակաբերդ ՀՑԹԻ տնօրենն անդրադարձել է Ադրբեջանի կառավարության կազմակերպած կոտորածներին Տավուշ-Ղազախ հատվածում տեղադրվել է առաջին սահմանային սյունը․ Փաշինյանը լուսանկար է հրապարակել Երկու երկրների փորձագիտական խմբերի աշխատանքները շարունակվում են Ալիև․ Բաքուն համաձայն է, որ Ադրբեջանի և ՀՀ ԱԳ նախարարների հանդիպումը կայանա Ղազախստանում Հանդիպումը տեղի կունենա, եթե Հայաստանը ևս տա իր համաձայնությունը |