Անբուժելի հիվանդ 14-ամյա բրիտանուհին կրիոկոնսերվացման իրավունք է ստացել

18 նոյեմբերի 2016 - 15:37 AMT

PanARMENIAN.Net - Մեծ Բրիտանիայում անբուժերի հիվանդ 14-ամյա աղջիկը սեփական մարմինը կրիոկոնսերվացնելու իրավունք է ստացել, որպեսզի արթնանա, երբ իր հիվանդությունն արդեն ենթակա կլինի բուժման:

«Ես ընդամենը 14 տարեկան եմ, ես չեմ ուզում մեռնել, բայց գիտեմ, որ մահանում եմ: Չեմ ուզում, որ ինձ թաղեն: Կարծում եմ, կրիոկոնսերվացումը ինձ բուժվելու շանս կտա, թեկուզ 100-ավոր տարիներ անց արթնանալու դեպքում»,-ասվում է աղջկա նամակում` հասցեագրված դատարանին, գրում է Gazeta.ru-ն Associated Press-ի վրա հղումով:

Աղջկա անունը չի հրապարակվում: Դատարանի որոշումից հետո աղջկա մարմինը տեղափոխել են ԱՄՆ-ից Լոնդոն, որտեղ այն ենթարկվել է կրիոգեն սառեցման:

Հոկտեմբերի 17-ին աղջիկը մահացել է: Մահվանից մոտ մեկ շաբաթ անց նրա մարմինը տեղադրել են 40 կգ չոր սառույցով մետաղյա արկղի մեջ և ինքնաթիռով ուղարկել են ԱՄՆ: Տեղափոխելուց առաջ մահացած աղջկա արյունը փոխարինել են չսառչող հեղուկով, իսկ մարմինն աստիճանաբար սառեցրել են մինչև -70 աստիճան:

«Անսահմանափակ ժամկետով» մարմնի պահպանումն իրականացնում է Alcor կոմերցիոն կազմակերպությունը Արիզոնայի նահանգում, ծառայության արժեքը £37 հազար է:

Alcor Life Extension Foundation (Alcor) ոչ կոմերցիոն կազմակերպություն է, որը զբաղվում է կրիոնիկայով, այսինք պահպանում է մարդկանց ու կենդանիների մարմինները հեղուկ ազոտի մեջ նրանց մահից հետո` հուսալով, որ ապագայում կհաջողվի նրանց վերակենդանացնել: Մարմինների պահպանումը ցածր ջերմաստիճանի պայմաններում կոչվում է կրիոկոնսերվացում:

Ընդհանուր առմամբ այսօրվա դրությամբ կրիոգեն պահեստարաններում, որոնք կան միայն ԱՄՆ-ում և ՌԴ-ում, մոտ 350 մարդ կա: Նրանցից 20-ը ապասառեցվել է և առաջիկայում հուղարկավորվելու է` նրանց հետ պայմանագիր կնքած ընկերության սնանկության պատճառով: Ամերիկյան երկու կրիոգեն պահեստարաններում կան մարմիններ, որոնք պահվում են 1970-ից:

Հղումներ թեմայով.

Newsru.com: В Великобритании школьница добилась права быть замороженной после смерти, чтобы "проснуться через сотни лет"

The Guardian. 14-year-old girl who died of cancer wins right to be cryogenically frozen