Նախարար. Լարսում հայկական մոտ 400 մեքենա է արգելափակված

Նախարար. Լարսում հայկական մոտ 400 մեքենա է արգելափակված

PanARMENIAN.Net - Լարսի անցակետը դեկտեմբերի 15-ին փակ է բոլոր տեսակի մեքենաների համար, Ռուսաստանի կողմից կուտակված են մոտ 700 մեքենա, մոտ 400-ը հայկական մեքենաներ են: Այս մասին լրագրողներին հայտնել է ՀՀ կապի, տրանսպորտի և տեղեկատվական տեխնոլոգիաների նախարար Վահան Մարտիրոսյանը:

Նախարարը դեկտեմբերի 14-ին այցելել էր Լարս՝ իրավիճակին ծանոթանալու համար, իսկ դեկտեմբերի 15-ին կառավարության նիստին վարչապետը Վահան Մարտիրոսյանին հանձնարարել է հատուկ ուշադրության տակ պահել այս խնդիրը:

Մարտիրոսյանի խոսքով, Լարսում շատ առատ ձյուն է տեղացել, և վրացի գործընկերները բոլոր տեսակի տեխնիկական միջոցները ներդրել են, որպեսզի արագ լուծում տան այդ հարցին:

Այլընտրանքային ճանապարհ ունենալու մասին լրագրողների դիտարկմանը, նախարարը վստահեցրել է, որ քննարկվում է նաև լաստանավ վարձելու միջոցով խնդրին լուծում տալու հարցը, գրում է Aravot.am-ը:

«Արդյունքները կամ դրական, կամ բացասական կլինեն: Բեռնափոխադրողը հաշվում է՝ ինչ կարող է դա արժենալ, և եթե Լարսը բացվում է, ինքը գերադասում է Լարսով: Փորձում ենք մենք տարբեր ճանապարհներ գտնել: Հիմա քննարկում ենք ավիացիոն մեթոդով ավիափոխադրումներ կազմակերպելը: Գնացել եմ Վրաստան, քննարկումներ ունեցել ենք Վրաստանի վարչապետի և ճյուղային նախարարների հետ», - ասել է Մարտիրոսյանը:

Նախարարը նաև ասել, որ թե՛ վրացական, և թե՛ ռուսական կողմերը շահագրգռված են ճանապարհի արագ բացման հարցում:

 Ուշագրավ
Նա խոստացել է ներդրում կատարել առաջարկ-լուծման հաջող տարբերակի պարագայում
Երեխաների պարագայում քանակի սահմանափակում չի նախատեսվում
27 պացիենտի հետ սերտ շփում ունեցած կոնտակտավորները գտնվում են կարանտինում, մյուսներն ինքնամեկուսացած են