ԱՄՆ Յելի համալսարանի գիտնականները հետազոտություն են հրապարակել, որտեղ ասվում է, թե ինչպես կարելի է անվնաս մկներին գիշատիչների վերածել, որոնք կկարողանան հետապնդել և գրոհել այլ կենդանիների: Կրծողների ուղեղում հայտնաբերվել են նեյրոնների հավաքածուներ, որոնք պատասխանատու են «որսի» ծրագրի գործարկման համար, որը կարելի է ակտիվացնել լազերի միջոցով:
Ինչպես ասվում է հոդվածում, գիտնականները միանգամայն այլ հետազոտություններ էին կատարում` ուսումնասիրում էին, թե ինչպես են նեյրոնները վերահսկում մկների ծնոտներն ու ծամող մկանները: Սակայն անսպասելի պարզեցին, որ մկները, որոնք ինչպես հայտնի է բուսակեր են, պահպանել են գիշատիչների բնազդները, գրում է RG-ն:
Լազերով ակտիվացումը մկներին վերածում է զոմբիների. Նրանք սկսում են հետապնդել ավարը սպանելու համար: Ընդ որում, նրանք գրոհում և կծում են տեսանելիության դաշտում հայտնված բոլոր առարկաները:
Պարզվել է նաև, որ փորձի մասնակից մկները որսի չեն ելնում ցեղակիցների դեմ: Գիտնականները եզրակացության են եկել, որ լազերն ակտիվացրել է նեյրոնները, որոնք պատասխանատու են ոչ թե ագրեսիայի, այլ հենց գիշատիչների բնազդների համար: Այդ վարկածի օգտին է նաև այն փաստը, թե ինչու է որսն ավելի ինտենսիվ քաղցած կրծողների մոտ:
