Վիգեն Սարգսյան. Հարավային Կովկասում Թուրքիայի վարքագիծն ապակառուցողական է22 փետրվարի 2017 - 11:18 AMT PanARMENIAN.Net - Թուրքիան ծայրահեղ ապակառուցողական վարքագիծ է որդեգրել Հարավային Կովկասում, նրա քաղաքականությունն ուղղված է տարածաշրջանի շահերի դեմ: Այդ մասին հայտարարել է ՀՀ պաշտպանության նախարար Վիգեն Սարգսյանը ՌԻԱ Նովոստի գործակալությանը տված հարցազրույցում: «Թուրքիան ծայրահեղ ապակառուցողական վարքագիծ ունի Հարավային Կովկասում. այդ երկիրը շարունակում է Հայաստանի շրջափակումը, շարունակում է ժխտել ակնհայտը՝ Հայոց ցեղասպանության փաստը, հետքայլ է կատարել Հայաստանի հետ նորմալ հարաբերությունների հաստատման միջազգային մակարդակով իր իսկ ստանձնած պարտավորություններից, որոնք ստորագրել է 2010-ին Ցյուրիխի արձանագրությունների տեսքով: Իր կանխակալ վերաբերմունքով Լեռնային Ղարաբաղի հակամարտության հանդեպ Թուրքիան շարունակում է արդյունվետորեն մեկուսացնել իրեն տարածաշրջանային գործընթացներից»,-ասել է նախարարը: ՊՆ ղեկավարը նշել է նաև, որ 102-րդ ռուսական ռազմակայանը Գյումրիում Հայաստանի անվտանգության կարևոր բաղադրիչն է: Նա հիշեցրել է, որ հենց Հայաստանն է եղել երկրի տարածքում ռազմակայանի տեղակայման ժամկետի երկարացման նախաձեռնողը: Նախարարն ասել է, որ ռազմակայանը զսպման գործոն է: Սարգսյանը շեշտել է, որ պայմանագրի երկարացումից հետո ռազմակայանը պատասխանատու է անվտանգության հարցերի համար ոչ միայն «նախկին ԽՍՀՄ արտաքին սահմանների պարագծով», ինչպես նախկինում էր, այլ ընդհանուր առմամբ Հայաստանի տարածքում: 2008թ. ՀՀ նախագահի նախաձեռնությամբ սկսվեց հայ-թուրքական հարաբերությունների կարգավորման նոր փուլ, որի արդյունքում 2009թ. հոկտեմբերի 10-ին Ցյուրիխում ՀՀ եւ ԹՀ ԱԳ նախարարները ստորագրեցին դիվանագիտական հարաբերություններ հաստատելու մասին և Հայաստանի և Թուրքիայի միջեւ հարաբերությունների զարգացման մասին արձանագրություններ: Արձանագրությունների ստորագրումից հետո Թուրքիան, կտրուկ փոխելով իր դիրքորոշումը և հրաժարվելով ձեռք բերված համաձայնությունից, Արձանագրությունների վավերացումը պայմանավորեց ԼՂ-ի հիմնահարցի կարգավորմամբ: 2010թ. ապրիլի 22-ին, հաշվի առնելով թուրքական կողմի պատճառով ստեղծված իրավիճակը, ինչպես նաեւ արձագանքելով ՀՀ իշխող կոալիցիայի կուսակցությունների քաղաքական խորհուրդների համատեղ դիմումին, ՀՀ նախագահը հրամանագիր ստորագրեց Արձանագրությունների վավերացման գործընթացի կասեցման մասին: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |