// IP Marketing video - START// IP Marketing video - END

«Հաց բերողին» սատարողները կհավաքվեն Ազատության հրապարակում

«Հաց բերողին» սատարողները կհավաքվեն Ազատության հրապարակում

PanARMENIAN.Net - 2016-ի հուլիսին ՊՊԾ գունդը գրաված «Սասնա ծռեր» խմբին սնունդ հասցրած Արթուր Սարգսյանին՝ «Հաց բերողին», սատարողները մարտի 16-ի երեկոյան՝ 18:00-ին, կհավաքվեն Երևանում Ազատության հրապարակում: Այդ մասին PanARMENIAN.Net –ին է հայտնել Սարգսյանի օգտին նստացույցի մասնակիցներից Ռոբերտ Գրիգորյանը:

Ավելի վաղ հայտնի դարձավ, որ Արթուր Սարգսյանը՝ «Հաց բերողը», մահացել է Արմենիա բժշկական կենտրոնում:

Արթուր Սարգսյանը 25 օր հացադուլի մեջ էր «Դատապարտյալների հիվանդանոց» քրեակատարողական հիմնարկում: Մարտի 6-ին նա ազատ էր արձակվել. ՀՀ գլխավոր դատախազի որոշմամբ ընդունվել էր 27 պատգամավորի կողմից երաշխավորությունը և Սարգսյանի նկատմամբ ընտրված խափանման միջոց կալանավորումը վերացվել էր:

Արթուր Սարգսյանը 2016-ի հուլիսի 26-ին՝ ճեղքելով ոստիկանական պատնեշները սեփական մեքենայով սնունդ էր հացրել ՊՊԾ գնդի զավթած տարածք և միացել «Սասնա ծռերին»: 2017-ի փետրվարի 9-ին դատարանը որոշել է կրկին փոխել Արթուր Սարգսյանի խափանման միջոցը՝ երկու ամսով կալանավորելով նրան: Նա այժմ մեղադրվում է զինված խմբի անդամներին օժանդակելու մեջ: Մինչև այդ Սարգսյանը մեղադրվում էր պատանդ վերցնելու, շենք, շինություններ զավթելու և ապօրինի զենք կրելու համար, ինչպես և խմբի մյուս անդամները։

 Ուշագրավ
Ոստիկանությունը տեղեկացնում է, որ միտումնավոր անընթեռնելի դարձրած համարանիշում նույնիսկ մեկ թվի չերևալու դեպքում վարորդները կտուգանվեն
Ռեժիսորն իր մտերիմներին ու ընկերներին խնդրել է, որ երբ իրեն հրաժեշտ տալու պահը գա, չբերեն ծաղիկներ ու ծաղկեպսակներ
Police.am կայքի միջոցով համակարգում գրանցվելու համար անհրաժեշտ է մուտք գործել կայքի «ՃՈ ծանուցում sms-ով» բաժինը