Քրդերի հարձակումից Թուրքիայում 1 զինծառայող է սպանվել, 4-ը՝ վիրավորվել

Քրդերի հարձակումից Թուրքիայում 1 զինծառայող է սպանվել, 4-ը՝ վիրավորվել

PanARMENIAN.Net - Թուրքիայում քրդերի հարձակման հետևանքով թուրք զինծառայող է սպանվել, ևս 4-ը վիրավորվել է: Հարձակումը տեղի է ունեցել երկրի հարավ-արևելքում Հաքքյարի գավառում:

Թուրքիայում շարունակվում են Քրդստանի աշխատավորական կուսակցության (ՔԱԿ) զինյալների դեմ գործողությունները երկրի հարավ-արևելքում:

Ըստ Թուրքիայի ԶՈւ տվյալների, թուրք զինծառայողների վիրավորումները վտանգավոր չեն կյանքի համար, հայտնում է ՌԻԱ Նովոստին Reuters-ի վրա հղումով:

Մարտի 20-ին Դիարբեքիր շրջանի Լիջում գործողության ընթացքում 2 թուրք զինծառայող է սպանվել: Թուրքական կողմը հայտնում է ՔԱԿ 6 անդամի սպանության մասին:

Թուրքիայի և ՔԱԿ հակամարտությունը շարունակվում է արդեն 33 տարի և խլել է 40.000 մարդու կյանք: 2015-ի հուլիսին Թուրքիայում ՔԱԿ հետ հակամարտության վերսկսումից ի վեր քրդերի հետ բախումներում սպանվել է ավելի քան 800 զինվորական ու ոստիկան: Թուրքիայի գլխավոր շտաբը հայտնել է այդ ընթացքում մոտ 7000 քուրդ ապստամբի ոչնչացման մասին: Քրդերը պնդում են, որ հակաահաբեկչական գործողությունների ժամանակ բազում խաղաղ բնակիչներ են զոհվել:

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---