«Մագելանի», «Արենի 1», «Արջի», «Մոզրովի» ու «Քարե դռներ» քարանձավները վարձակալության կտրվեն30 մարտի 2017 - 12:26 AMT PanARMENIAN.Net - ՀՀ մշակույթի նախարարությունը հայտարարել է մրցույթ՝ «Մագելանի» (Գնեշիկ), «Արենի 1» (Արենի ), «Արջի, «Մոզրովի» (Արփի) և «Քարե դռներ» (Աղձք) քարանձավները զբոսաշրջության նպատակով վարձակալության տրամադրելու համար: Նախարարության տեղեկացմամբ, այս քարանձավները պատմության և մշակույթի անշարժ հուշարձաններ են։ Նախարարության Պատմության և մշակութային հուշարձանների պահպանության գործակալության հուշարձանների և պատմական միջավայրի պահպանության բաժնի պետ Սուրեն Շաքարյանի տեղեկացմամբ, շահագրգիռ մարմինների և կազմակերպությունների հետ հարցը մանրազնին քննարկելուց հետո ընտրվել են պատմամշակութային հուշարձանի կարգավիճակ ունեցող դիտարժան այն քարանձավները, որոնք հնարավոր է օգտագործել զբոսաշրջության նպատակով՝ առանց խախտելու անվտանգության կանոնները: «Քարանձավներում առկա միջավայրի պահպանության հարցերը պարզելու, պահպանության պատշաճ պայմաններն ու պահանջները սահմանելու նպատակով խորհրդակցել ենք բնապահպանների, քարանձավագետների, հնագետների և այլ մասնագետների հետ: Ստացել ենք համապատասխան կարծիքներ: Մրցույթի մասնակիցներին ներկայացվող պարտադիր պահանջներն են՝ պատշաճ պահպանություն և օգտագործում, ինչը ենթադրում է համապատասխան մասնագետների ներգրավում իրենց աշխատանքային խմբերում»,-ասել է Սուրեն Շաքարյանը, գրում է Panorama.am-ը: Մշակույթի նախարարի հրամանով ստեղծված մրցութային հանձնաժողովին ներկայացվող հայտին կից ծրագրային փաթեթում, նրա խոսքով, պետք է ամրագրված լինեն անվտանգության, էկոհամակարգերի, առկա հնագիտական միջավայրի պահպանությանն ուղղված միջոցառումները, ինչպես նաև տեղեկություններ ֆինանսական ներդրումների վերաբերյալ: Մրցույթին կարող են մասնակցել ֆիզիկական, իրավաբանական անձիք, նախատեսվում է նաև համատեղ օգտագործման հնարավորությունը: Հայտերի ընդունման համար սահմանված է 45-օրյա ժամկետ: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |