Բելգրադյան դպրոցի սանի գրաֆիկական ցուցահանդես՝ Երևանում 4 ապրիլի 2017 - 11:13 AMT PanARMENIAN.Net - Սերբիայի Հանրապետության հյուպատոսության նախաձեռնությամբ և Հովհ. Շարամբեյանի անվան ժողովրդական ստեղծագործության կենտրոնի աջակցությամբ, ապրիլի 6-ից 12-ը Միրյանա Տոմաշևիչը (Սերբիա) հանդես կգա գրաֆիկական աշխատանքների անհատական ցուցահանդեսով։ Ցուցահանդեսի բացումը՝ ապրիլի 6-ին` ժամը 13։00-ին Հովհաննես Շարամբեյանի անվան Ժողովրդական ստեղծագործության կենտրոնում։ Միրյանա Տոմաշևիչի աշխատանքները գրաֆիկայի Բելգրադյան դպրոցին են պատկանում: Նա այդ դպրոցի պրոֆեսոր Բոժիդար Ջմերկովիչի լավագույն սաներից է և նրա գործի շարունակողը: Նա ձևավորել է ստեղծագործական մի միջավայր, որում արվեստի գործերին հնչեղություն, ժամանակակից պոետիկա հաղորդելու տեխնոլոգիական նոր միջոց է: Ծնվել է 1967 թվականին, Բելգրադում: 1991-ին ավարտել է Բելգրադի Արվեստների համալսարանի կիրառական արվեստի ֆակուլտետի գրաֆիկայի բաժինը, 1994-ին՝ նույն ֆակուլտետի մագիստրատուրան: Կիրառական արվեստի ֆակուլտետում աշխատում է որպես գրաֆիկայի դասախոս: Մասնակցել է անհատական և խմբակային բազմաթիվ ցուցահանդեսների, բիենալեների և տրիենալեների: Արժանացել է բազմաթիվ մրցանակների և պարգևների: Նրա շատ աշխատանքներ գտնվում են տարբեր թանգարաններում և մասնավոր հավաքածուներում: Հովհաննես Շարամբեյանի անվան Ժողովրդական ստեղծագործության կենտրոնը ստեղծվել է 2011թ.-ին՝ Հովհաննես Շարամբեյանի անվան ժողովրդական արվեստի թանգարանի և Ժողովրդական ստեղծագործության և արհեստագործության կենտրոնի միավորմամբ: Կենտրոնի Երևանի և Դիլիջանի մասնաճյուղի ժողովրդական արվեստի թանգարանների հիմքը կազմում են 1930-ական թվականներին ազգագրագետ Հաբեթնակ Բաբայանի ջանքերով հիմնադրված Ժողովրդական ստեղծագործության տան ցուցանմուշները: Հավաքածուն (շուրջ 10.000 նմուշ) ընդգրկում է փայտի, մետաղի և քարի գեղարվեստական մշակման, ասեղնագործության, գորգագործության, խեցեգործության նմուշներ, ինչպես նաև ինքնուս նկարիչների գեղանկարներ: Հավաքածուում առանձնակի տեղ են գրավում սփյուռքահայերի նվիրատվությունները: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |