// IP Marketing video - START// IP Marketing video - END

Ահմադինեժադը չի մասնակցի Իրանի նախագահի ընտրություններին

Ահմադինեժադը չի մասնակցի Իրանի նախագահի ընտրություններին

PanARMENIAN.Net - Իրանի նախկին նախագահ Մահմուդ Ահմադինեժադը չի մասնակցի մայիսին կայանալիք նախագահական ընտրություններին: Ապրիլի 20-ին նման որոշում է կայացրել Պաշտպանների խորհուրդը կամ Դիտորդական խորհուրդը, որը խորհրդարանի կողմից ընդունվող որոշումները վերահսկող կառավարման մարմին է, գրում է Deutsche Welle-ն:

Ավելի վաղ Ահմադինեժադն ասել էր, որ չի առաջադրի իր թեկնածությունը՝ հետևելով Իրանի հոգևոր առաջնորդ Ալի Համենեիի խորհրդին: Սակայն, այնուհետև նախկին նախագահն անսպասելի փոխեց իր կարծիքն ու ապրիլի 12-ին գրանցվեց ներքին գործերի նախարարությունում ընտրություններին մասնակցելու համար: Գործելով հոգևոր առաջնորդի դեմ՝ Ահմադինեժադն հաջողելու քիչ շանսեր ունի, քանի որ Խորհրդի անդամներից կեսին Համենեին է նշանակում:

Այսպիսով ընտրություններին կմասնակցի 6 թեկնածու, այդ թվում գործող նախագահ Հասան Ռոուհանին, որը զբաղեցնում է այդ պաշտոնը 2013-ից:

Ահմադինեժադն երկու անգամ է նախագահել անընդմեջ՝ 2005-2013թթ.: Ընտրություններն Իրանում կայանալու են մայիսի 19-ին:

 Ուշագրավ
Ադրբեջանում աշխատունակ 4,6 մլն բնակչության միայն 32%-ը մասնագիտություն ունի
ՌԴ նախագահ Վլադիմիր Պուտինը դեկտեմբերի 11-ի վաղ առավոտյան ժամանել է Սիրիայի Հմեյմիմում գտնվող ռուսական ռազմակայան
Զոհերի թիվը կարող է աճել, քանի որ փլատակների տակ դեռ մարդիկ կան
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով