// IP Marketing video - START// IP Marketing video - END

Փարիզյան ահաբեկչության ենթադրյալ մասնակիցը ներկայացել է ոստիկանություն

Փարիզյան ահաբեկչության ենթադրյալ մասնակիցը ներկայացել է ոստիկանություն

PanARMENIAN.Net - Փարիզի Ելիսեյան դաշտերում ահաբեկչության երկրորդ ենթադրյալ մասնակիցը ներկայացել է բելգիական Անտվերպենի ոստիկանություն:

Ավելի վաղ Ֆրանսիայի ՆԳՆ-ն հայտնել էր, որ որոնում է այդ մարդում Բելգիայի իշխանությունների հարցումով:

Իրավապահները չեն հայտնել, թե արդոյք ոստիկանություն ներկայացած անձը ճանաչում է իր մեղքը, հայտնում է BBC-ին:

Կասկածյալի անունը և քաղաքացիությունը դեռ չի հրապարակվել:

Չնայած, որ ծայրահեղական «Իսլամական պետությունը» Ելիսեյան դաշտում ոստիկանին սպանած տղամարդուն անվանում է բելգիացի Աբու Յուսեֆ, պատճառներ չկան կարծելու, որ նա իրոք այդ երկրի քաղաքացի է, ասել է դատախազը:

Փարիզում, որտեղ ապրիլի 23-ին տեղի կունենա նախագահական ընտրությունների առաջին փուլը, ընդունվել են անվտանգության խստացված միջոցներ: Այդ մասին ապրիլի 21-ի առավոտյան հայտարարել է Ֆրանսիայի վարչապետ Բերնար Կազնյովը: «Կառավարությունն ամբողջությամբ մոբիլիզացված է: Ոչինչ չպետք է խանգարի ժողովրդավարական գործընթացին մեր երկրում», -հայտարարել է նա:

Փարիզի կենտրոնական Ելիսեյան դաշտեր (Champs-Élysées) պողոտայում ապրիլի 21-ին ոստիկանների վրա հարձակում է տեղի ունեցել: Reuters հաղորդմամբ, հարձակվողը դուրս է եկել մեքենայից ու Կալաշնիկովի ինքնաձիգից կրակ է բացել ոստիկանների ուղղությամբ, սպանելով մեկին ու վիրավորելով մյուսին: Հարձակվողը սպանվել է պատասխան կրակով:

Ինչպես հյատնել է Ֆրանսիայի ՆԳՆ-ն, հարձակվողի ավտոմեքենան կանգ է արել ոստիկանության բաժանմունքի մոտ երեկոյան մոտ 21:00-ին: Նա դուրս է եկել մեքենայից և կրակ բացել Կալաշնիկովի ինքնաձիգից: Սպանելով ոստիկանին՝ նա փորձել է փախչել, կրակելով նաև այլ ոստիկանների ուղղությամբ: Նրանցից 2-ը վիրավորվել է: Ոտքի թեթև վիրավորում է ստացել նաև զբոսաշրջիկներից մեկը:

 Ուշագրավ
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով
Հարձակման ենթարկվածի մասին տեղեկություններ դեռ չկան
Սպառազինությունն առաքվել է Ադրբեջան ըստ երկու երկրների ռազմատեխնիկական գործակցության մասին պայմանավորվածության