Վիգեն Սարգսյան. «Ես եմ»-ի նպատակը զինծառայողների թիվն ավելացնելը չէ21 ապրիլի 2017 - 14:06 AMT PanARMENIAN.Net - ՀՀ ՊՆ կողմից ներկայացված, զորակոչին վերաբերող «Ես եմ» նախագիծը որևէ կերճ չի ավելացնում բանակում ծառայողների թիվը: Այս մասին լրագրողների հետ հանդիպմանն ասել է պաշտպանության նախարար Վիգեն Սարգսյանը: «Այս ծրագրով ընդհանուր զինծառայողների թվի ավելացում չի նախատեսվում: Ի դեպ, եղած ծառայության մոդելը որևէ մեկը չի պատրաստվում հանել, ավելին, մենք չենք պատրաստվում պարտադիր ժամկետային ծառայության ժամկետը երկարացնել, ընդամենը տալիս ենք մարդուն ընտրության հնարավորություն և, կարծում եմ, դա մեր պարտավորությունն է», - ասել է Սարգսյանը, մեջբերում է Aysor.am-ը: Նա ընդգծել է՝ ներկայացված ծրագրերն ու «Ազգ-բանակ» կոնցեպտը չեն ենթադրում, որ Հայաստանը հրաժարվել է խաղաղությունից և գնում է ռազմականացման. «Խաղաղությունից ոչ միայն չենք հրաժարվել, այլև խաղաղության մեծագույն ջատագովներից ենք ու վստահ ենք, որ այս տարածաշրջանն այլ ապագա չունի, բայց պաշտպանության նախարարությունը պետք է միշտ պատասխանատու լինի երկրի պաշտպանունակության մակարդակը բարձրացնելու համար», - նշել է նախարարը: Զինծառայության համակարգում նախատեսված առաջին ծրագիրը կոչվում է «Պատիվ ունեմ»։ Այդ պետական ծրագրի գաղափարախոսությունն է` բուհական տարկետումը կապել ապագա սպայական ծառայության հետ: Երկրորդ ծրագիրը կոչվում է «Ես եմ»։ Այդ ծրագրով նորակոչիկները, ովքեր ցանկություն կհայտնեն ծառայությունն իրականացնել մարտական հերթապահություն իրականացնող զորամասում, իրավունք կստանան անցնելու ծառայության նոր տեսակի` ժամկետային պայմանագրային: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |