  RSF. Մամուլի ազատության սանդղակում ՀՀ-ն նահանջել է 5 հորիզոնականով 26 ապրիլի 2017 - 12:27 AMT PanARMENIAN.Net - «Լրագրողներ առանց սահմանների» (Reporters Without Borders- RSF) կազմակերպության հրապարակած մամուլի ազատության վերաբերյալ ամենամյա զեկույցում Հայաստանը դիրքերը զիջել է 5 հորիզոնականով՝ 180 երկրի շարքում նախորդ տարվա 74-ի փոխարեն հայտնվելով 79-րդ հորիզոնականում: Զեկույցում նշվում է, որ ՀՀ-ում տպագիր մամուլը բազմազան է և բևեռացված, իսկ հետաքննական լրագրությունը զարգանում է առցանց լրատվականներում: Նաև նշվում է, որ հեռարձակվող ԶԼՄ-ներում բազմակարծության ապահովման հետ կապված խնդիրներ կան: Զեկույցում նշվում է, որ ոստիկանության կողմից լրագրողների հանդեպ բռնության գործադրման դեպքերը շարունակվում են և «անպատիժ են մնում»: Հարևան երկրներից ցանկում լավագույնը Վրաստանի արդյունքն է՝ 64-րդ հորիզոնական, իսկ Ադրբեջանը, Թուրքիան ու Իրանը, համապատասխանաբար, 162-րդ, 155-րդ и 165-րդ տեղերում են: ԱՄՆ վարկանիշը նվազել է 2 հորիզոնականով. այժմ այն զբաղեցնում է 43-րդ տեղը: ՄԹ-ն նույնպես 2 տեղով նահանջել է՝ հայտնվելով 40-րդ տեղում: ՌԴ-ն պահպանել է տեղը վարկանիշային աղյուսյակի ստորին հորիզոնականներում և 148-րդն է: Առաջին տեղում Նորվեգիան է, 2-րդում՝ Շվեդիան, 3-րդը Ֆինլանդիան է: Ցանկի մյուս ծայրում Սիրիան է(177), Թուրքմենստանը(178), Էրիթրեան(179) ու ԿԺԴՀ-ն(180): «Լրագրողներ առանց սահմանների» կազմակերպությունը հիմնվել է Փարիզում 1985-ին։ Նպատակն է՝ պայքարել ինտերնետում գրաքննության դեմ, լրագրողների խոսքի ազատության համար։ Ամեն տարի ընկերությունը հրապարակում է նաև «Ինտերնետի թշնամի» երկրների ցուցակը։   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները  Հայաստանի և Մալթայի ԱԳ նախարարներն անդրադարձել են տարածաշրջանային հարցերիԱդրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը»Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներՈղջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման |
