Քուրդ-արաբական SDF խմբավորումը գրավել է սիրիական Տաբկայի հին թաղամասերը

1 մայիսի 2017 - 16:13 AMT

PanARMENIAN.Net - Միացյալ Նահանգների հովանավորությամբ կռվող և հիմնականում քրդերից ու արաբներից կազմված «Սիրիայի դեմոկրատական ուժեր» (SDF) խմբավորումը «Իսլամական պետություն» ահաբեկչական խմբավորումից գրավել է Սիրիայի Ռաքքա նահանգի Տաբկա քաղաքի հին թաղամասերը: Այս մասին հայտնում է Ռազմ.ինֆո-ն Reuters-ի վրա հղումով:

Այս քաղաքը ռազմավարական նշանակություն ունի, քանի որ այստեղ է գտնվում Սիրիայի ամենամեծ ջրամբարը, բացի այդ այն մոտ 50 կմ հեռավարության վրա է գտնվում Ռաքքա քաղաքից:

SDF խմբավորումը հայտարարել է, որ իրենք «Իսլամական պետություն» խմբավորումից գրավել են Տաբկա քաղաքի 3 հին թաղամաս և այժմ շարժվում են դեպի նոր թաղամասեր:

Մարտի 27-ին «Սիրիայի դեմոկրատական ուժերը» վերահսկողություն են հաստատել Սիրիայի խոշորագույն ջրամբարի մի հատվածի վրա, ինչպես նաև ԻՊ-ից գրավել են Տաբկայի ավիաբազայի տարածքը (պատերազմի ընթացքում ռազմաբազան գրեթե անօգտագործելի է դարձել): Սակայն ջրամբարի մի մասը շարունակում է մնալ ԻՊ վերահսկողության տակ:

Վերջին շրջանում «Իսլամական պետությունը» կորցնում է Սիրիայում և Իրաքում իր վերահսկած տարածքների մեծ մասը: Սիրիայում ներկայում նրանք վերահսկում են խոշոր քաղաքներից միայն Ռաքքան: Իրաքի Մոսուլ քաղաքում իսլամիստների վերահսկողության տակ մնացել է միայն մի փոքր հատված:

Հղումներ թեմայով.

Razm.info. Քրդերից ու արաբներից կազմված SDF խմբավորումը գրավել է Սիրիայի Տաբկա քաղաքի հին թաղամասերը

Tass.ru: Курдские отряды освободили от террористов центр города Табка на Евфрате