Բաբայան. Ադրբեջանին կոշտ պատասխան չտալով ԵԱՀԿ ՄԽ-ն «խաչ կդներ» սեփական աշխատանքի վրա19 մայիսի 2017 - 11:24 AMT PanARMENIAN.Net - ԼՂ հակամարտության գոտում զինադադարի պահպանմանն ուղղված միջազգային հանրության ու ԵԱՀԿ ՄԽ եռանախագահների գործադրած ջանքերը թևակոխում են որակական նոր փուլ: Անդրադառնալով ԵԱՀԿ Միսնկի խմբի համանախագահների՝ Ադրբեջանին ուղղված հասցեական քննադատությանը` PanARMENIAN.Net ի հետ զրույցում նման տեսակետ հայտնեց ԼՂՀ նախագահի մամուլի խոսնակ Դավիթ Բաբայանը՝ հայտարարությունը որակելով «կարևոր ու ողջունելի»: «Իրոք, կարծես թե սա առաջին անգամ է, որ ԵԱՀԿ համանախագահները հասցեական գնահատական են հնչեցնում, այն էլ՝ ժամանակագրական առումով հրադադարի խախտման բոլոր իրադարձությունների ներկայացմամբ»,- նշեց Բաբայանը՝ հավելելով. «Մենք միշտ էլ ասում էինք, որ միջազգային հանրությունն ու հատկապես ԵԱՀԿ Մինսկի խումբը պետք է կոշտ ու հասցեական գնահատական հնչեցնեն հրադադարի խախտման դեպքերում»: ԵԱՀԿ Միսնկի խմբի համանախագահներ Իգոր Պոպովը ՌԴ-ից, Ստեֆան Վիսկոնտին Ֆրանսիայից ու Ռիչարդ Հոգլանդն ԱՄՆ-ից մայիսի 19-ին հայտարարություն են տարածել վերջին օրերին ղարաբաղա-ադրբեջանական շփման գծում իրավիճակի սրման վերաբերյալ՝ առաջին անգամ հասցեական քննադատություն հնչեցնելով հրադադարի ռեժիմը խախտող ու սադրանքների դիմող Ադրբեջանի հասցեին. «Տարբեր վստահելի աղբյուրներից ստացված տեղեկատվության համաձայն, մայիսի 15-ին Ադրբեջանի ԶՈւ-ն շփման գծի ուղղությամբ հրթիռ է արձակել՝ հարվածելով ռազմական տեխնիկային»: Բաբայանի գնահատմամբ, Ադրբեջանի վարած քաղաքականությունն այնքան է հոգնեցրել միջազգային հանրությանը, որ նման արձագանք չտալը ԵԱՀԿ ՄԽ համար հավասար կլիներ «սեփական աշխատանքի վրա խաչ դնելուն». «Ադրբեջանը ոչ միայն խախտում է հրադադարը, այլև ամեն ինչ արեց որպեսզի փակվի ԵԱՀԿ տարածաշրջանային գրասենյակը՝ այսպիսով վերացնելով այդ կառույցի ներկայացվածությունը, ինչը պարզապես անընդունելի ու անթույլատրելի է»: Բացի այդ, Բաբայանի խոսքով, Ադրբեջանն անընդհատ փորձում է խոչընդոտել եռանախագահների ձևաչափով ու միջնորդությամբ ԼՂ հիմնախնդրի կարգավորմանը. «Սկզբում ՌԴ ԱԳՆ պաշտոնական ներկայացուցիչ Մարիա Զախարովան արձագանքեց, որոշ ժամանակ անց նաև ԵԱՀԿ եռանախագահները համատեղ հայտարարությամբ հանդես եկան: Այս արձագանքը մի քիչ ուշ եղավ, բայց այսպես շատ ճիշտ է»: ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով Լեռնային Ղարաբաղում վերջին օրերին տիրող լարվածությանը, մասնավորապես ասել էր. «Տարբեր աղբյուրներից ստացված տեղեկություններով՝ մայիսի 15-ի կեսօրին ադրբեջանական կողմը գնդակոծել է շփման գծի մյուս կողմում գտնվող ռազմական օբյեկտը, ինչին համապատասխանաբար արձագանք է տվել մյուս կողմը»: ԼՂՀ նախագահի մամուլի խոսնակը նաև վստահություն հայտնեց, որ Ադրբեջանի հետ աշխատանք է տարվում նաև ոչ հրապարակային խողովակներով. միջազգային կառույցները փորձում են բացատրել, որ նման վարքն անընդունելի է: «Արդյունքում, Բաքուն պարզապես ստիպված կլինի հետևել իր իսկ կողմից ընդունված պարտավորվածություններին Վիեննայում և Պետերբուրգում»,- նշեց Բաբայանը՝ ասելով, որ, ըստ երևույթին, որոշակի դրական տեղաշարժ է գրանցվել ԼՂ կարգավորման հարցում: Ընդ որում, նրա խոսքով, տեղաշարժը զգացվել է սրանից մի փոքր շուտ՝ նույն Ֆրանսիայի նախագահական ընտրություններին նախորդած քարոզարշավի ժամանակ, երբ մի քանի հայտարարություն հնչեց ղարաբաղյան հակամարտության կարգավորման վերաբերյալ: Ըստ Բաբայանի, ՌԴ-ի արձագանքի վրա իր ազդեցությունն է ունեցել նաև այն հանգամանքը, որ Հայրենական պատերազմի հերթական տարելիցին նվիրված «Անմահ գունդ» ակցիայի ժամանակ ադրբեջանցիները Մոսկվայում ու Պետերբուրգում հարձակվել էին հայկական շարասյան վրա: «Սա նաև անարգանք է հենց Ռուսաստանի, նրա պատմության հասցեին: Իսկ նման քայլերը չեն ներվում և չպետք է ներվեն»,- նշեց Բաբայանը: Մայիսի 15-ին շփման գծի արևելյան ուղղությամբ հակառակորդը կիրառել էր «Սպայկ» տիպի կառավարվող հրթիռ, ինչի արդյունքում մասնակի վնասվել էր մեկ ռազմական տեխնիկա: Ադրբեջանական զինուժի սադրանքի արդյունքում պաշտպանության բանակը մարդկային կորուստ չի ունեցել: Մայիսի 17-ին հայկական կողմը հրապարակել էր ձեռնարկված կանխարգելիչ գործողությունների տեսանյութը, ինչի արդյունքում, ըստ ՊԲ համապատասխան ծառայությունների տրամադրության տակ եղած հավաստի տվյալների, ադրբեջանական կողմը կրել է կորուստներ: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |