Հայաստանում «աղբի տեսուչներ» կլինեն. Վարչապետն է հանձնարարել25 մայիսի 2017 - 15:15 AMT PanARMENIAN.Net - ՀՀ կառավարության նիստում վարչապետ Կարեն Կարապետյանը տարածքային կառավարման և զարգացման նախարարի ժամանակավոր պաշտոնակատար Դավիթ Լոքյանին հանձնարարել է երկամսյա ժամկետում ուսումնասիրել և գործադրի աշխատակազմ ներկայացնել առաջարկություններ Հայաստանի համայնքների աշխատակազմում չսահմանված վայրերում աղբ թափելու դեպքերով վարչական պատասխանատվության: Այդ թվում` տուգանքի կիրառման ապահովման հատուկ ստորաբաժանում պետք է ձևավորվի: Առաջարկը ենթադրում է, որ համայնքներում կստեղծվեն ստորաբաժանումներ, որոնք աղբ թափելու համար վարչական վարույթ կիրականացնեն: Կարապետյանը ֆինանսների նախարարի պաշտոնակատար Վարդան Արամյանին և Լոքյանին հանձնարարել է նաև 15-օրյա ժամկետում կառավարության աշխատակազմ ներկայացնել փակման ենթակա և կոնսերվացվող աղբավայրերի ցանկը: Վարչապետը նշել է, որ պետությունը համայնքներին առաջարկում է, որպեսզի ներդնեն սանիտարական տեսուչների ինստիտուտ, որը հստակ խաղի կանոններ կսահմանի: «Բյուջե չի պահանջում, բյուջեի աղբյուրը հենց այն տուգանքներն են, որոնք կիրառվելու են, որի մի մասը կգնա տեսուչների վարձատրությանը, մյուս մասը գնալու է աղբահանության, մաքրման, սանիտարական գործառույթներին: Մենք անպայման այդ ինստիտուտը պետք է ներդնենք, որպեսզի քաղաքացիներին կարողանանք բերել այսօրվան համապատասխան ցիվիլ դաշտ»,- ասել է Կարապետյանը: Նրա խոսքով, մինչև 2017 թվականի վերջ նախատեսում են հանդես գալ օրենսդրական նախաձեռնությամբ աղբահանության և սանիտարական մաքրման ոլորտը կարգավորող հատուկ իրավական ակտի վերաբերյալ Ապրիլի 3-ից Թբիլիսիի փողոցներում հատուկ տեսուչներ են հայտնվել, որոնք լիազորված կլինեն տուգանելու ֆիզիկական և իրավաբանական անձանց չսահմանված վայրերում կենցաղային աղբ նետելու համար: Հայաստանում ևս տուգանքներ են սահմանված աղբը նետելու համար, սակայն դրանք չեն գործում: Ֆիզիկական անձանց համար տուգանքը 30-50.000 դրամ է, իրավաբանականների համար՝ 100-200.000 դրամ: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Սերժ Սարգսյան․ Ցեղասպանության հարցը սակարկման ենթակա չէ, միայն իշխանազավթներին հեռացնելը կկանխի պետականության կործանումը Նա նշել է, որ միայն օր առաջ համազգային ընդվզումով կապիտուլյանտ իշխանազավթներին հեռացնելը կարող է կանխել պետականության կործանումը Փաշինյան․ Մեծ եղեռնը դատավճիռ չէ՝ պետք է դադարենք հայրենիքի փնտրտուքը, որովհետև գտել ենք այդ հայրենիքը «Մեծ եղեռնը, հայրենազրկումը դատավճիռ չէ մեզ համար, որ պիտի կրենք որպես կորուսյալ հայրենիքի շարունակական փնտրտուք»,–նշել է նա Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա |