Մխիթարյան. Գիտեինք, որ «Այաքսը» լավ է տիրում գնդակին, բայց բացահայտել էինք թույլ կողմերը29 մայիսի 2017 - 16:23 AMT PanARMENIAN.Net - Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը մատչ TV-ի մեկնաբան Նոբել Առուստամյանի հետ զրուցել է Եվրոպայի լիգայի եզրափակչի և ավարտված մրցաշրջանի մասին: «Մենք գիտեինք, որ «Այաքսը» լավ է տիրում գնդակին և հարձակվում է: Բայց մենք գիտեինք նրանց թույլ տեղերը և ձգտում էինք հակագրոհների ժամանակ օգտագործել մեր պահերը: Առաջին գոլը մենք խփեցինք հենց «Այաքսի» սխալից հետո: Նրանք մեզ տարածություն տվեցին խաղադաշտի կենտրոնում: Կարծում եմ, մեզ օգնեց այն, որ Պոգբան արագ գոլ խփեց: Դա մեզ օգնեց ավելի վստահ լինել: Մենք վերահսկում էինք խաղը: Երբ ես գոլ խփեցի, կարծում եմ, ամեն ինչ արդեն պարզ դարձավ: Մենք «Այաքսին» ոչ-մի շանս չտվեցինք: Իմ կարծիքով, մենք լավ խաղացինք և բարձունքում էինք», - ասել է Մխիթարյանը, գրում է Armfootball.com-ը: Ֆուտբոլիստը հավելել է. «Շատերը երազում էին խաղալ Չեմպիոնների լիգայում և, հնարավոր է, չէին մտածում, որ կհաղթեն Եվրոպայի լիգան: Մենք 10 ամիս քրտնաջան աշխատեցինք, սկսած առաջին խաղից: Պրեմիեր լիգան էլ դեռ կար և մենք ձգտում էինք որքան հնարավոր է շուտ մրցանակ նվաճել, կամ Չեմպիոնների լիգայի ուղեգիր նվաճել: Այսօր մեզ հաջողվեց անել դա, ինչի առթիվ էլ շնորհավորում եմ թիմին»: «Մանչեսթեր Յունայթեդը» մայիսի 24-ին Եվրոպայի լիգայի խաղարկության եզրափակչում հաղթել է հոլանդական «Այաքսին» Ստոկհոլմի «Ֆրենդս Արենա» ստադիոնում՝ դառնալով Եվրոպայի լիգայի գավաթակիր: Խաղն ավարտվել է 0:2 հաշվով՝ հօգուտ ՄՅու-ի:Հենրիխ Մխիթարյանը 48-րդ րոպեին գոլի հեղինակ է դարձել՝ դառնալով առաջին հայ ֆուտբոլիստը, որը գոլ է խփել Եվրոպայի լիգայի եզրափակչում: Խաղի ավարտից հետո նա ծածանել է ՀՀ դրոշն ու ասել.«Շատ-շատ երջանիկ եմ մեր այսօրվա հաղթանակի համար: Ես այս հաղթանակը նվիրում եմ իմ ընտանիքին, Մանչեսթերին և բոլոր հայերին»: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |