Ներքին տեղահանվածների և փախստականների քանակն աշխարհում հասել է 65.5 մլն

19 հունիսի 2017 - 11:26 AMT

PanARMENIAN.Net - Ներքին տեղահանվածների և փախստականների քանակն աշխարհում 2016-ի վերջի տվյալներով հասել է 65.5 մլն: Այդպիսի տվյալներ է ներկայացրել ՄԱԿ-ը:

2016-ի ավարտին աշխարհում բռնի տեղահանվել է 65,5 մլն մարդ: Ըստ զեկույցի, դա աննախադեպ բարձր ցուցանիշ է: 2015-ին այն 65,3 մլն էր, հայտնում է ՌԻԱ Նովոստին:

«2016-ին ամեն րոպե (միջինացված տվյալներով) 20 մարդ է հեռացել տնից, այսինք 1 մարդ՝ յուրաքանչյուր 3 վայրկյանում», -պարզաբանել են UNHCR-ում, գրում է Deutsche Welle-ն:

Փախստականների հիմնական «մատակարար» է համարվել Սիրիան՝ 5,5 մլն մարդ: Բացի այդ, աճում է լարվածությունը Հարավային Սուդանում, որից 2016-ի ավարտին հեռացել է 737.000 մարդ:

Եվրոպան Երկրորդ համաշխարհայինից հետո ամենալուրջ ճգնաժամն է ապրում փախստականների հետ կապված, որի պատճառն առաջին հերթին հակամարտություններն ու տնտեսական խնդիրներն են Մերձավոր Արևելքի և Հյուսիսային Աֆրիկայի երկրներում:

Եվրահանձնաժողովը տարբեր իրավական և դրամական պատիժներով է սպառնում այն երկրներին, որոնք հրաժարվում են ընդունել փախստականներին: Չեխիան, Սլովակիան, Հունգարիան և Լեհաստանը դեմ են քվեարկել դրան:

Չեխիան հրաժարվում է ընդունել ներգաղթյալներին, չնայած, որ իրեն ԵՄ-ից 10 մլն եվրո տուգանք է սպառնում:

Հղումներ թեմայով.

Ria.ru. В 2016 году число перемещенных лиц во всем мире достигло 65,6 миллиона

Deutsche Welle: Число вынужденных переселенцев достигло в мире рекордных 65,6 млн

BBC. UN refugee agency: Record 65.6 million people displaced worldwide