Մխիթարյանը՝ ՀՀ-ում ֆուտբոլի ակադեմիա հիմնելու, հաջողության գրավականի ու Մոուրինյուի մասին24 հունիսի 2017 - 11:56 AMT PanARMENIAN.Net - Հայաստանի ազգային հավաքականի և ՄՅՈւ-ի կիսապաշտպան Հենրիխ Մխիթարյանը մտածում է Հայաստանում ֆուտբոլային ակադեմիա բացելու շուրջ: Այդ մասին նա ասել է հունիսի 23-ին՝ Ֆեյսբուքում պատասխանելով երկրպագուների հարցերին: «Մտածել եմ այդ մասին և կցանկանամ ապագայում զարգացնել այդ գաղափարը` հայ երեխաներին իմ ֆուտբոլային փիլիսոփայությունն ուսուցանելու համար»,- գրել է Մխիթարյանը: Նա հավելել է՝ երջանիկ է, որ հայ երեխաների համար ոգեշնչման աղբյուր է և ընդօրինակելի կերպար. «Հուսով եմ` յուրաքանչյուր երեխայի համար օրինակ կծառայեմ իմ նվաճումներով, որպեսզի նրանք հավատան իրենց երազանքներին»: Մխիթարյանը նաև համոզմունք է հայտնել, որ երազանքները կատարվում են, երբ տքնաջան աշխատում ես, դրական ես տրամադրված ու հավատում ես ուժերիդ: Ամեն ինչի հնարավոր է հասնել, երբ վստահ ես գործում: Ընդհանուր ֆեյսբուքյան օգտատերերը Մխիթարյանին ավելի քան 2000 հարց են ուղղել: Երկրպագուներից մեկը Մխիթարյանին խնդրել է բնութագրել ՄՅՈւ-ի պորտուգալացի գլխավոր մարզիչ Ժոզե Մոուրինյուին: «Ժոզեն հաղթող է: Նա քրտնաջան աշխատում է յուրաքանչյուր խաղում հաղթելու և համոզված լինելու համար, որ մենք պատրաստ ենք 100 տոկոսով: Նա մեզ տալիս է էմոցիաներ և մոտիվացիա: Ես նրանից շատ բան եմ սովորել, և կշարունակեմ դա անել եկող մրցաշրջանում»,- պատասխանել է Հենրիխը: Անդրադառնալով հաջորդ մրցաշրջանի հետ կապված նպատակներին, Մխիթարյանը գրել է. «Կցանկանամ ավելի շատ գոլերի և գոլային փոխանցումների հեղինակ դառնալ ... և օգնել իմ թիմին հնարավորինս շատ տիտղոսներ նվաճելու հարցում: Կներդնեմ իմ ողջ ուժերը»: Իսկ նախորդ մրցաշրջանի ամենասիրելի պահը նկարագրելիս՝ Մխիթարյանը գրել է.«Իհարկե, Ստոկհոլմում Եվրոպա լիգայի Գավաթը նվաճելը: Մենք քրտնաջան աշխատել էինք այս մրցաշարում հաղթելու համար և իսկապես առանձնահատուկ էր դրան հասնելը: Հիմա մենք անհամբերությամբ ենք սպասում Չեմպիոնների լիգա վերադառնալուն»: Հայաստանի ֆուտբոլի հավաքականի և անգլիական «Մանչեսթեր Յունայթեդի» կիսապաշտպան, ՅՈւՆԻՍԵՖ-ի բարի կամքի դեսպան Հենրիխ Մխիթարյանը հունիսի 23-ին ֆեյսբուքյան ասուլիս է տվել: Այդ մասին սոցկայքի իր էջում նա գրառում էր կատարել նույն օրն առավոտյան՝ բոլորին հրավիրելով մասնակցել: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |