Play UK բրիտանական կինոյի շաբաթը՝ Երևանում27 հունիսի 2017 - 18:27 AMT PanARMENIAN.Net - Հուլիսի 9-ից 16-ը «Ոսկե ծիրան» Երևանի միջազգային կինոփառատոնի շրջանակում Բրիտանական խորհուրդը ներկայացնում է Play UK բրիտանական կինոյի շաբաթը: Այս տարի Բրիտանական խորհրդի համագործակցությունը կինոփառատոնի հետ ընդլայնվում է և այսուհետ լինելու է շարունակական՝ ընդգրկելով համապարփակ և բազմաշերտ ծրագրեր: 2017-ին Play UK ծրագրի շրջանակում կցուցադրվեն վերջին տարիների բրիտանական փաստագրական ֆիլմերի ընտրանին և օսկարակիր Հյու Հադսոնի երեք ֆիլմ: Ֆիլմերը կցուցադրվեն Մոսկվա կինոթատրոնում, Սիրահարների այգում, Գաֆէսճեան արվեստի կենտրոնում և Ազատության հրապարակում: Փառատոնային յուրաքանչյուր օր կցուցադրվի մեկ ֆիլմ: Բրիտանական խորհրդի աջակցությամբ Հայաստան է ժամանելու կինոռեժիսոր, պրոդյուսեր և սցենարիստ Հյու Հադսոնը, ով նաև կնախագահի «Ոսկե ծիրան» Երևանի միջազգային կինոփառատոնի խաղարկային մրցույթի ժյուրին: Նա կանցկացնի հանդիպում քննարկում: Շոտլանդական ծագումով անգլիացի կինոռեժիսորը նկարահանել է «Ֆանխիո», «Հրե անվակառքեր», «Գրեյսթոուք. Կապիկների տիրակալի՝ Տարզանի լեգենդը», «Մոլորված հրեշտակներ» և այլ մրցանակակիր ֆիլմեր: «Հրե անվակառքեր» ֆիլմն արժանացել է Օսկարի լավագույն կինոնկար անվանակարգում, իսկ «Մոլորված հրեշտակներ» ֆիլմը ներկայացվել է Կաննի «Ոսկե արմավենու ճյուղին»: Բրիտանական խորհրդի աջակցությամբ փառատոնի օրերին Հայաստանում է լինելու բեմագրության ոլորտում բազմամյա փորձ ունեցող, խորհրդատու Մերիլին Միլգրոմը: Նա եռօրյա դասընթացներ կվարի հայ պրոֆեսիոնալների համար, որի ընթացքում կներկայացնի ֆիլմ վաճառելու հմտությունները: Դասընթացները կանցկացվեն հուլիսի 12-ից 15-ը: Մերիլին Միլգրոմը 2012-ից աշխատում է Բրիտանական ֆիլմերի ինստիտուտի հիմնադրամում որպես բեմագիր-խորհրդատու: Մերիլին ըներգրավված է եղել Փիթեր Սթրիքլենդի «Բուրգունդի այիդուքսը», Քերոլ Մորլիի «Անկում», Սառա Գեվրոնի «Սուֆրաժիստուհին», Քլիո Բեռնարդի «Մութգետը» (ֆիլմի նկարահանումները մոտենում են ավարտին) և Քլեյր Դենիսի «Բարձրաշխարհիկ կյանք» (ֆիլմը նկարահանման նախնական փուլում է) կինոնկարների բեմագրերի մշակման աշխատանքներում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |