Թարմացնել օպերացիոն համակարգերն ու հակավիրուսային ծրագրերը. Ինչպես պաշտպանվել Petya-ից28 հունիսի 2017 - 13:02 AMT PanARMENIAN.Net - Թարմացնել օպերացիոն համակարգերն ու հակավիրուսային ծրագրերը և չբացել անհասկանալի նամակներ. տեղեկատվական անվտանգության փորձագետ Սամվել Մարտիրոսյանը PanARMENIAN.Net ի հետ զրույցում կիսվել է հունիսի 27-ին ամբողջ աշխարհում ընկերությունների համակարգիչների վրա հարձակում գործած Petya շորթող վիրուսից համակարգիչը պաշտպանելու խորհուրդներով: «Հայաստանում կան համակարգիչների վարակման դեպքեր, թեև հստակ վիճակագրություն չեմ կարող ներկայացնել, քանի որ ՀՀ-ում չկա կիբերանվտանգությամբ զբաղվող ընկերություն, որը կկարողանար ինչ-որ վիճակագրություն հավաքել: Ուղղակի կարող ենք ֆիքսել, որ դեպքեր կան: Բացի այդ, ՀՀ-ում ընդունված չէ կիբերհարձակման մասին հաղորդելը, եթե դա տեսանելի չէ: Չեմ կարծում, թե մեզ մոտ մեծ թվով համակարգիչներ են վարակվել»,- նշեց փորձագետը: Հունիսի 27-ին Ուկրաինան, ապա Ռուսաստանն ու այլ երկրները հաքերային զանգվածային հարձակման էին ենթարկվել, Petya վիրուսի «զոհ են դարձել» երկրների հեռահաղորդակցության, նավթային, ֆինանսական մի շարք ընկերություններ, օրինակ՝ ռուսական «Ռոսնեֆտ» նավթագազային և «Բաշնեֆտ» նավթային ընկերությունները: Կիևի միջազգային «Բորիսպոլ» օդանավակայանը, մետրոպոլիտենի աշխատանքը: Չերնոբոլի ԱԷՍ-ի համակարգչային համակարգն անջատվել էր՝ վիրուսային հարձակման հետևանքով: Ստիպված էին անցնել ձեռքի կառավարման ռեժիմի:Petya վիրուսը համակարգիչների ապաարգելափակման համար պահանջում էր 300 դոլար: Նրա խոսքով, վիրուսի դեմ պայքարելը դեռևս բարդ է, քանի որ անգամ խոշոր հակավիրուսային կազմակերպությունները դեռ ընդհանուր հայտարարի չեն եկել և գնահատական չեն տվել՝ ինչի հետ գործ ունենք: «Ընկերությունների մի մասն ասում է, թե դա Petya-ն է, մյուս մասը՝ թե մոդիֆիկացված Petyan-ն է, երրորդներն էլ կարծում են, թե հնարավոր է՝ լրիվ ուրիշ վիրուս է: Ինչևէ, հարցը նրանում է, որ կարծես թե խոցելի են այն համակարգիչները, որոնց օպերացիոն համակարգերը թարմացված չեն, այսինքն օգտագործում է նույն խոցելիությունը, որը կար WannaCry-ի ժամանակ: Թարմացնելն առնվազն չի խանգարի: Դեռևս պարզ է, որ ֆիշինգային հարձակում է, այսինքն՝ եթե չբացել անծանոթներից նամակներ, կամ ծանոթներից՝ անհասկանալի նամակներ, վարակվելու շանսերը զրոյանում են, եթե խոսքը չի վերաբերում ներքին ցանցում վարակված համակարգչի մասին: Եթե կա վարակված համակարգիչ ներքին ցանցում, հարցն արդեն պետք է մասնագետը տեղում կարգավորի, քանի որ կան վարակված համակարգիչը սահմանափակելու տարբերակներ՝ ներքին ցանցում վիրուսի հնարավոր տարածումը կանխարգելելու համար»,- նշեց Մարտիրոսյանը: Խոսելով չլիցենզավորված օպերացիոն համակարգերի մասին, որոնց օգտագործումը լայնորեն տարածված է Հայաստանում, փորձագետը նշեց. «Այստեղ հարցն իրականում շատ բարդ է: Կան «լավ» կոտրած ՕՀ-ներ, որոնք ժամանակին թարմացվում են։ Հարցը նրանում է, որ շատերն անջատում են թարմացումները, որ չլիցենզավորված լինելու հանգամանքը չբացահայտվի»: Նա ևս մեկ անգամ շեշտեց, որ հասարակ օգտատերերը պետք է անպայման թարմացնեն օպերացիոն համակարգերը, հակավիրուսային ծրագրերը, չբացեն անհասկանալի հղումներ ու նամակներ ու կարևոր ֆայլերը միշտ պահեն առանձին կրիչների վրա, քանի որ այսօր Petyan է, վաղը կարող է մեկ ալյ վիրուս լինել: Կարդացեք նաև՝ Symantec-ը Petya շորթող վիրուսից պաշտպանվելու մեթոդ է հրապարակել Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |