Պաշտոնյա. ԵՏՄ երկրները հրաժարվել են միասնական դրամական միավորի անցնել 6 հուլիսի 2017 - 14:34 AMT PanARMENIAN.Net - Եվրասիական տնտեսական միությունում միասնական դրամական միավորի մասին շուտ է խոսել: Հուլիսի 6-ին լրագրողների հետ ճեպազրույցում նման կարծիք է հայտնել Եվրասիական տնտեսական հանձնաժողովի Ֆինանսական քաղաքականության դեպարտամենտի տնօրեն Տիգրան Դավթյանը: «Այստեղ երկրների սուվերենիտետի մասին կարող է խոսք գնալ։ Մենք Եվրամիություն չենք, որտեղ որ եվրոն է։ Միասնական արժույթ մտցնելը նշանակում է հրաժարվել դրամավարկային քաղաքականությունից՝ իր հետևանքներով։ Շատ շուտ է խոսել այդ մասին»,- ասել է նա։ Ժամանակ առ ժամանակ շրջանառվում է ԵՏՄ երկրներում միասնական դրամական միավոր ներդնելու հարցը։ Ըստ խոսակցությունների՝ այն ռուսական ռուբլու հիմքի վրա է ստեղծվելու։ Տիգրան Դավթյանը, սակայն, չի ժխտել՝ քննարկումներ այս հարցով եղել են. «Ռուսաստանի կողմից չեն եղել այդպիսի կտրուկ առաջարկներ։ Եղել է գաղափար, որը երկրների կողմից մերժվել է՝ ասելով, որ դեռևս շատ շուտ է դրա մասին խոսել»,- ասաց նա՝ մանրամասնելով, որ գուցե թեմային վերադառնան 2025 թվականից հետո, երբ կձևավորվի միասնական ֆինանսական շուկան, հաղորդում է A1plus.am-ը։ Հուլիսի 6-ին Հայաստանի՝ ԵԱՏՄ-ին անդամակցության երկու տարվա ամփոփման մասին սեմինարի մեկնարկից առաջ լրագրողների հետ զրույցում Եվրասիական տնտեսական հանձնաժողովի ինտեգրման և մակրոտնտեսության հարցերով կոլեգիայի անդամ (նախարար) Տատյանա Վալովայան էլ հայտարարել է, թե Հայաստանի առևտրաշրջանառությունը ԵԱՏՄ անդամակցությունից հետո զգալի աճել է: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |